• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय समाचार

    चीनसँग बढ्दो तनावबीच भारतले किन्ने भयो अमेरिकाले अल–जवाहिरी मार्न प्रयोग गरेको ड्रोन

    1K
    SHARES


    काठमाडौँ । सन् २०२२ जुलाई ३१ मा अमेरिकाले अल काइदाका प्रमुख अल–जवाहिरीलाई काबुलमा मार्यो । जवाहिरी मारिसकेपछि उनी बसेको मुलुक अफगानिस्तान उनको मृत्युको कारणलाई लिएर अकमक्क पर्यौ ।

    अमेरिकाले अल–जवाहिरीलाई आफूले मारेको बताएपछि मात्र रहस्य खुलेको थियो । उसको एमक्यु–ढबी रिपर ड्रोनले अल जवाहिरीलाई दुश्मन मुलुकको राजधानीमा मारेर फर्किदासमेत कसैले चाल पाएका थिएनन् ।

    यस्तो सटीक सैन्य उपकरण भारतले किन्ने तयारी गरेको छ । यस ड्रोन निर्माता कम्पनी जनरल एटोमिक्स ग्लोबल कर्पोरेशनका प्रमुख कार्यकारी अधिकृत डा विवेक लालले खरिदका लागि वार्ता अन्तिम चरणमा पुगेको बताएका छन् ।

    सीमा क्षेत्रमा छिमेकीको गतिविधि निगरानी गर्न काम लाग्नेछ
    भारतले जल, स्थल र हवाई क्षेत्रका तिनै सेनाका लागि एमक्यु–९बी ड्रोनहरू तैनाथ गर्न चाहेको बताइएको छ । हाल भारतले ३ अर्ब डलरको ड्रोन किन्ने वार्ता भइरहेको स्रोतले बताएको छ , यस रकममा ३० एमक्यु–९बी ड्रोन आउनेछ ।

    यो ड्रोन निर्माता कम्पनी जनरल एटोमिक्सले ड्रोनको बहुप्रयोगमा जोड दिने गरेका छ । कम्पनीले ड्रोनलाई जासुसी, निगरानी, सूचना सङ्कलन, हवाई सहायता बन्द गर्न, राहत–उद्धार कार्य र आक्रमणका लागि प्रयोग गर्न सकिने बताएको छ ।

    भारतले मुख्यत चीनसँग जोडिएको सिमा क्षेत्रमा बढ्दो तनावबीच प्रतिद्वन्द्वी चीनको गतिविधि निगरानी गर्ने । सन् २००१ मा पहिलो पटक उडान भरेको यस ड्रोन अहिले एक दर्जनभन्दा बढी मुलुकमा प्रयोग हुन्छ ।

    यो फ्रान्स, बेल्जियम, डोमिनिकन रिपब्लिक, जर्मनी, ग्रीस, इटाली, नेदरल्याण्ड्स, स्पेन, यूके, यूएई, ताइवान, जापान, मोरक्कोमा प्रयोग भइरहेको छ । अमेरिकाले सोमालिया, यमन र लिबियामा यस्तै रिपर ड्रोन प्रयोग गरिरहेको छ ।

    सन् २००१ मा अलकायदाको आक्रमणपछि अमेरिकाले सुरु गरेको ‘आतंकवाद विरुद्धको युद्ध’ मा अफगानिस्तान र पाकिस्तानको उत्तरी आदिवासी क्षेत्रमा प्रिडेटर र रिपर ड्रोन तैनाथ गरिएको थियो ।

    भारतलाई ४०० ड्रोन चाहिनेमा सेनासँग जम्मा १८० ड्रोन सैन्य सूचना समूह जेन्सका अनुसार भारतसँग हाल ९० इजरायली ड्रोन छन्, जसमध्ये ७५ वटा वायुसेना र १० भारतीय नौसेनाले सञ्चालन गर्छन् ।

    भारतीय सेनालाई कुल ४०० ड्रोन चाहिएकोमा हाल १८० ड्रोन मात्र रहेको बताइएको छ । भारतीय कम्पनीहरूले बनाइरहेका घरेलु ड्रोनलाई पनि भारतीय सेनाको सन् २०२५ मा फौजमा प्रयोग हुने बताइएको छ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया