• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    नागरिकता विधेयकमाथि एमालेले राजनीति गरिरहेकाे छ : वर्षमान पुन

    340
    SHARES


    काठमाण्डाै। सत्ता साझेदार नेकपा (माओवादी केन्द्र) का नेता वर्षमान पुनले नागरिकता विधेयकमाथि प्रमुख प्रतिपक्ष एमालेले राजनीति गरिरहेको आरोप लगाएका छन् । नागरिकताबाट वञ्चित नेपाली नागरिकका सन्तानलाई नागरिकता दिने गरी आएको विधेयक संसदबाट पारित गराउन सहयोग गर्न पनि उनले एमालेलाई आग्रह गरेका छन् ।

    बिहीवार प्रतिनिधि सभा बैठकमा विधेयकमाथिको छलफलमा भाग लिँदै नेता पुनले वैवाहिक अङ्गीकृत नागरिकताको विषयमा पछि पनि छलफल गरेर त्यसलाई परिमार्जन गर्न सकिने भएकाले अहिलेलाई विधेयक पारित गराउने काममा सबै राजनीतिक दलले सहयोग गर्नुपर्ने बताउनुभयो । उहाँले भन्नुभयो, ‘जन्मको आधारमा नागरिकता प्राप्त गरेका व्यक्तिका छोराछोरीले नागरिकता नपाएको अवस्थामा अप्ठ्यारा भाेगिरहेका छन् ।

    विदेश भ्रमण हाेस् वा बैंक खाताकाे कुरा हाेस्, यसमा समस्या भाेगिरहेका छन् । ती अप्ठ्यारा फुकाउनकै लागि याे विधेयक ल्याइएको हो र अरू केही जरुरी कुराहरू मात्रै यसमा राखिएको छ । यसमा वैवाहिक अङ्गीकृत लगायतका विषयमा आउँदा दिनमा राष्ट्रिय सहमति बनाएर प्रस्तुत हुने सरकारले भनेको छ । नागरिकताजस्तो संवेदनशील विषयलाई राजनीतिक विषय नबनाऔँ । बरु परिमार्जन गरेर जाने विषयमा सँगसँगै काम गरौँ भन्ने कुरा पनि म प्रतिपक्ष दलका माननीयजीहरूलाई आग्रह गर्दछु ।’

    नेता पुनले केपी ओली नेतृत्वको सरकारले संसदमा प्रस्तुत गरेको याे विधेयकलाई वर्तमान सरकारले अपनत्व ग्रहण नगरेर फिर्ता लिनु संसदीय प्रक्रियाभित्रकै कुरा भएको उल्लेख गर्दै त्यसलाई अन्यथा लिन नमिल्ने पनि बताए ।

     

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ