• News Portal

    • आज :

    ताजा शिर्षकहरु

    चर्चित शिर्षकहरु

    राजनीति

    सिट बाँडफाटको प्रस्ताव नआएपछि संयोजकले शीर्ष नेतालाई भेट्ने

    305
    SHARES


    काठमाडौं । सिट बाँडफाँटका सत्तारुढ गठबन्धनले बनाएको कार्यदलको बैठक औपचारिकतामा सीमित भएको छ । अघिल्लो बैठकले शीर्ष नेताहरुसँग परामर्श गरेर प्रस्ताव ल्याउने जिम्मा संयोजक कृष्णप्रसाद सिटौलालाई दिएको थियो ।

    तर यो अवधिमा सिटौलाले सत्तारुढ गठबन्धनमा आवद्ध दलका शीर्ष नेताहरुसँग भेट गरेनन् । त्यही कारण बुधबार प्रधानमन्त्रीको सरकारी निवास, बालुवाटारमा बसेको बैठकमा नेताहरु सामान्य छलफल गरेर उठेका छन् ।

    कार्यदलका एक सदस्यका अनुसार अब संयोजक सिटौलाले शीर्ष नेताहरुसँग भेट गर्ने, आवश्यक परे संयुक्त रुपमा पनि छलफल गर्ने सहमति भएको छ । संयुक्त बैठक औपचारिकतामा मात्र सीमिति भएकाले दलहरुबीचमा पनि छलफल गरेर एकअर्काका अप्ठ्यारो बुझ्ने पनि सहमति भएको छ ।

    बैठकपछि कार्यदलका सदस्य एवं सरकारका प्रवक्ता ज्ञानेन्द्रबहादुर कार्कीले पनि अहिलेसम्म भएको छलफलबारे नेताहरुलाई जानकारी गराउने र एउटा निर्णयमा पुग्ने बताए । उनले अघि भने, ‘मोडालिटीमा छलफल गरेका छौं र त्यसलाई केन्द्रमा राखेर सिट विभाजनको एउटा निष्कर्षको चरणमा अगाडि बढ्दैछौं ।’

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ