• News Portal

    • आज :

    ताजा शिर्षकहरु

    चर्चित शिर्षकहरु

    राजनीति

    नागरिकता विधेयक फेरि संसदमा पेश गरेर प्रमाणीकरण गर्न राष्ट्रपतिकहाँ पठाउने सत्ता गठबन्धनको निर्णय

    200
    SHARES


    काठमाडौँ । सरकारले नागरिकता विधेयक जस्ताको तस्तै फेरि अगाडि बढाउने भएको छ।

    बालुवाटारमा मंगलबार बसेको सत्ता गठबन्धनको बैठकले नागरिकता विधेयक पुन: संसदमा पेश गरी प्रमाणीकरणका लागि राष्ट्रपतिकहाँ पठाउने सहमति गरेको छ।

    राष्ट्रपति विद्यादेवी भण्डारीले गत आइतबार नागरिकता विधेयक पुन: संसदमै फिर्ता पठाएकी थिइन्।

    ‘राष्ट्रपतिले नागरिकता विधेयक फिर्ता गर्नुभयो, यो उहाँको संवैधानिक अधिकार हो,’ सरकारका प्रवक्ता ज्ञानेन्द्रबहादुर कार्कीले भने, ‘अब फेरि संसदमा नागरिकता विधेयक पेश गरेर प्रक्रिया पूरा गरी प्रमाणीकरण गर्न राष्ट्रपतिकहाँ पठाउने सहमति भएको छ।’

    यस्तै सत्ता गठबन्धनले सत्य निरूपण तथा मेलमिलाप आयोगका विषयमा सरोकारवालाहरू, मानव अधिकारकर्मी तथा नागरिक समाजका सुझावलाई मनन गरेर विधेयक अगाडि बढाउने निर्णय पनि भएको छ।

    ‘सत्य निरूपण तथा मेलमिलाप आयोग विधेयकबारे वृहत छलफल गरेर, सबैको सुझावमा विधेयक अघि बढाउने सहमति भएको छ। यसबारे कानूनमन्त्रीले सबैसँग छलफल गरिरहनुभएको छ,’ सरकारका प्रवक्ता कार्कीले भने।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ