• News Portal

    • आज :

    ताजा शिर्षकहरु

    चर्चित शिर्षकहरु

    राजनीति

    सकियो प्रचण्ड-बाबुराम बैठक, के भयो सहमति ?

    576
    SHARES


    काठमाडौँ । नेपाल समाजवादी पार्टी (नेसपा)का अध्यक्ष बाबुराम भट्टराईले नेकपा माओवादी केन्द्रमा नफर्किने बताएका छन् ।

    बिहीबार ललितपुरको हात्तीवनमा माओवादी केन्द्रका अध्यक्ष प्रचण्ड र नेता नारायणकाजी श्रेष्ठसँग भएको भेटमा भट्टराईले माओवादी केन्द्रमा नफर्किने बताएका हुन् । भेटका क्रममा प्रचण्डले पार्टीमा फर्किन आग्रह गरेकामा भट्टराईले अनिच्छा देखाएका हुन् ।

    आफू माओवादीमा नफर्किने तर सत्ता गठबन्धनमा समेट्नका लागि भूमिका खेल्नका लागि भट्टराईले प्रचण्डलाई आग्रह गरेको उनी निकट एक नेताले बताए ।

    ‘तत्कालीन प्रधानमन्त्री केपी शर्मा ओलीले प्रतिगमन गरेपछि त्यस आन्दोलनमा हामीसँगै छौ । हाम्रो पार्टी विभाजन भएर नयाँ परिस्थिति बनेपछि अहिले फरक ठाउँमा छु’ भट्टराईको भनाइ उदृत गर्दै ती नेताले भने, ‘अहिलेकै अवस्थामा माओवादीमा फर्किने अवस्था छैन । मलाई यो पाँच दलीय गठबन्धनमा समेट्न भूमिका खेलिदिनु पर्‍यो । म यहीँ गठबन्धनकै एक हिस्सेदार हुँ ।’

    मंगलबार प्रधानमन्त्री शेरबहादुर देउवालाई भेट्न बालुवाटार पुग्दा पनि भट्टराईले गठबन्धनमा समेट्न आग्रह गरेका थिए । देउवासँगको भेटमा भट्टराईसहित अर्का अध्यक्ष महेन्द्र राय यादव समेत पुगेका थिए ।

    सो क्रममा देउवाले गठबन्धनमा समेट्ने बचन दिएका थिए । त्यसकै सिलसिला स्वरुप बाबुरामले प्रचण्डलाई पनि भेटेर गठबन्धनमा समेट्न आग्रह गरेका हुन् ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ