• News Portal

    • आज :

    ताजा शिर्षकहरु

    चर्चित शिर्षकहरु

    विशेष समाचार

    भन्सारका कर्मचारी कुट्ने प्रहरी सोधपुछका लागि जिल्ला झिकाइए

    474
    SHARES


    काठमाडौं । वीरगञ्ज भन्सार कार्यालय, पर्साका कर्मचारीलाई कुटपिट गर्ने तीनजना प्रहरी जिल्ला तानिएका छन् । इलाका प्रहरी कार्यालय, इनर्वामा कार्यरत तीन जना प्रहरी अधिकारी जिल्ला प्रहरी कार्यालय पर्सामा तानिएका हुन् । जिल्ला प्रहरी प्रमुख एसपी रमेश बस्नेतले सीसीटीभी फुटेजमा कुटपिट गर्दै गरेको देखिएका तीन जना प्रहरीलाई सोधपुछका लागि जिल्ला ल्याइएको बताए ।

    उनले भने, ‘त्यहाँ देखिएका मध्ये एकजना वरिष्ठ हवल्दार र अर्का दुईजना हवल्दार रहेछन्, सोधपुछ थालेका छौं ।’ सोमबार राति साढे ११ बजे ड्यूटीमा रहेका बेला सिभिल प्रहरी हौं भन्दै आएका व्यक्तिले वीरगञ्ज भन्सार कार्यालयका सहयोगी बमबहादुर विशंखेलाई दुव्र्यवहार गरेका थिए ।

    भन्सार कार्यालयका अनुसार हरेक दिन राति १० बजेपछि वीरगञ्ज भन्सारको बेरियर बन्द हुने गर्छ । तर सोमबार बेलुकी निर्धारित समयभन्दा डेढ घन्टा पछि चार/पाँच जना आएर वेरियर खोल्न लगाउँदै कार्यालय सहयोगीलाई कुटपिट र लछारपछार गरेका थिए ।

    ‘मादक पदार्थ सेवन गरेर नेपाली गाडीमा आएका उनीहरुले नेपाल प्रहरीको स्टाफ हुँ भन्दै गाली गरेका थिए’ विशंखे भन्छन्, ‘मैले कार्ड देखाउन भन्दा पनि टेरेनन्, गाडी पनि प्रहरीको थिएन ।’ घटनापछि न्याय दिलाइदिन भन्दै विशंखेले भन्सार कार्यालयलाई निवेदन लेखेका थिए । त्यसपछि कार्यालयले प्रहरीसँग सहयोग पनि मागेको थियो ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ