• News Portal

    • आज :

    ताजा शिर्षकहरु

    चर्चित शिर्षकहरु

    राजनीति

    बाबुरामलाई पनि समेट्न सत्ता गठबन्धनमा छलफल, माओवादीले देखायो चासो

    314
    SHARES


    काठमाडौँ । पाँच दलीय सत्ता गठबन्धनमा बाबुराम भट्टराई नेतृत्वको नेपाल समाजवादी पार्टी (नेसपा)लाई समावेश गराउने विषयले प्रवेश पाएको छ । सोमबार बसेको सत्ता गठबन्धनको कार्यदल बैठकमा नेसपालाई पनि समेट्नुपर्ने प्रस्ताव आएको हो ।

    प्रधानमन्त्रीको सरकारी निवास बालुवाटारमा बसेको कार्यदल बैठकमा माओवादीबाट कार्यदलको सदस्य रहेका वर्षमान पुनले नेसपालाई पनि गठबन्धनमा सामेल गराउनुपर्ने मत राखेको एक नेताले जानकारी दिए ।

    बैठकमा सञ्चारमन्त्री ज्ञानेन्द्र कार्कीले लोकतान्त्रिक समाजवादी पार्टी (लोसपा)लाई गठबन्धनमा सहभागिता गराउनेबारे कुरा राखेका थिए । त्यसपछि पुनले नेसपाबारे चासो राख्दै बैठकमा कुरा राखेका थिए ।

    सत्ता साझेदार जनता समाजवादी पार्टी (जसपा)बाट असार अन्तिम साता भट्टराई समूह अलगिएको थियो । त्यसयता गठबन्धनको बैठकमा भट्टराईको सहभागिता रहेको छैन ।

    जसपामा हुँदा अध्यक्ष उपेन्द्र यादव र भट्टराई नै प्रायः गठबन्धनको बैठकमा सहभागी हुने गरेका थिए । गठबन्धनले बनाएको कार्यदलमा पनि नेसपाको प्रतिनिधित्व नभएपछि भट्टराई गठबन्धन बाहिर हुन पुगेको अवस्था छ । बाबुरामलाई गठबन्धनले नभइ जसपाले निकालेको माओवादी केन्द्रका नेता देवेन्द्र पौडेलले बताए ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ