• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय रोचक-विचित्र

    सरकारी कार्यालयका कर्मचारी नमुस्कुराए जरिवाना हुने

    868
    SHARES


    काठमाडौं । हामीकहाँ सरकारी कार्यालयहरुमा मुस्कान सहितको सेवा भन्ने नीति नै छ ।

    सरकारको यस्तो नीति भएपनि कर्मचारीहरुबाट त्यो बमोजिमको सेवा जनताले पाउन नसकिरहेको गुनासो आउने गर्दछ । नेपालमा सरकारी कर्मचारीले कार्यालयमा सेवाग्राहीसँग राम्रो व्यवहार गर्नुपर्ने तथा मिजास र मुस्कान सहित सेवा प्रवाह गर्नुपर्ने भनिए तापनि बाध्यता छैन । तर फिलिपिन्समा भने सरकारी कर्मचारीहरु कार्यालयमा मुस्कुराउनै पर्ने भएको छ ।

    कार्यस्थलमा मुस्कान नछर्ने सरकारी कर्मचारीमाथि जरिवाना हुने भएको छ । हो, फिलिपिन्सको एक सहरका मेयरले मुस्कान नीति लागू गरेका छन् । जस अनुसार सहरका हरेक सरकारी कार्यालयमा कर्मचारीहरुले मुस्कान सहितको सेवा प्रदान गर्नुपर्नेछ । सरकारी कर्मचारीहरुले जनतासँग राम्रो व्यवहार नगर्ने र गजक्क पर्ने गरेको भन्दै गुनासो आएपछि ती मेयरले यस्तो नियम लागू गरेका हुन् ।

    यो नीतिले सरकारी कर्मचारीप्रति जनताको सोचमा परिवर्तन आउने र कर्मचारीहरुले पनि सेवाग्राहीप्रति उचित व्यवहार गर्ने अपेक्षा गरिएको छ ।

    फिलिपिन्सको लुजन द्वीपस्थित क्युजन प्रान्तमा पर्ने मुलाने सहरका मेयर एरिस्टोटल अगुरीले सहरका सरकारी कार्यालयहरुमा ‘स्माइल पोलिसी’ लागू गरेका हुन् ।

    यही महिना मेयरको कार्यभार सम्हालेका अगुरीले स्थानीय सरकारका सेवाहरुमा सुधार गर्ने प्रयासमा मुस्कानको नीति अख्तियार गरेका हुन् ।

    नयाँ नियम अनुसार कार्यालयमा नमुस्कुराउने कर्मचारीहरुको तलबबाट रकम कट्टी गरिनेछ । नियम पालना नगर्ने कर्मचारीहरुको अधिकतम ६ महिनाको तलब काटिने वा जागिरबाटै निलम्बन गरिनेछ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ