• News Portal

    • आज :

    ताजा शिर्षकहरु

    चर्चित शिर्षकहरु

    राजनीति

    नागरिकता विधेयक प्रकरणमा प्रचण्डले दोहोरो भूमिका निर्वाह गरे- अग्नि खरेल

    607
    SHARES


    काठमाडौँ । नेकपा एमालेका नेता अग्निप्रसाद खरेलले सरकारले ल्याएको नागरिकता विधेयक प्रकरणमा नेकपा माओवादी केन्द्रका अध्यक्ष प्रचण्डले दोहोरो भूमिका निर्वाह गरेको आरोप लगाएका छन्।

    विर्तामोडस्थित निजी निवासमा पत्रकार सम्मेलन गर्दै नेता खरेलले प्रचण्डको दोहोरो चरित्रका कारण संसदमा पेश भएको नागरिकता विधेयक फिर्ता भएको र विदेशी बुहारीलाई तत्काल नागरिकता दिने विषय उल्लेख भएको जिकिर गरे।

    ‘संसदमा विधेयक छलफलका क्रममा रहेको समयमा सबैभन्दा बढी विधेयकको पक्षमा रहेको दल माओवादी केन्द्रले यतिखेर सो विधेयक फिर्ता गर्न अग्रसरता देखाएर विदेशी बुहारी ल्याउना साथ नागरिकता दिने विषय राख्नु रहस्यमय कुरा हो’, नेता खरेलले भने, ‘एकातिर भारतसँग समानताको सिद्धान्त अख्तियार गरेर विधेयक कार्यान्वयन हुनुपर्छ भन्ने अनि फिर्ता लिन र ‘वैवाहिक अंगिकृत’ नागरिकताका विषयमा यस्तो गलत कामको नेतृत्व गर्ने?’

    ‘भारतमा विवाह गरेर गएका नेपाली महिलाले त्यहाँको नागरिकता प्राप्त गर्न ७ वर्षको समय लाग्छ। नेपालमा पनि समानताको सिद्धान्त अख्तियार गर्दै ७ वर्षे समयावधि राखौं भनेर संसदीय समितिमा पारित भएर संसदमा दर्ता भएको विधेयक एक्कासी फिर्ता भएको राम्रो सन्देश गएको छैन’, नेता खरेलले भने, ‘माओवादी र माधव नेपालको पार्टीको अडान यसमा टिक्न सकेन।’

    नेता खरेलले विवाहको जग्गेमै विदेशी बुहारीलाई नागरिकता दिनु गलत हुन्छ भन्ने एमालेको मान्यता रहेको बताए। ‘हामीलाई थाहा छ, हाम्रो संशोधन प्रस्ताव कार्यान्वयन हुँदैन, तर पनि हामीले पार्टीको अडानस्वरुप त्यो दर्ता गरेका हौं’, उनले भने, ‘नागरिकता जस्तो संवेदनशील विषयमा सत्ताधारी दलहरूले लापरवाही नगरिदिएको भए देश र जनाताका लागि राम्रो हुन्थ्यो।’

    विदेशबाट विवाह गरेर नेपाल आउने बित्तिकै ‘वैवाहिक अंगिकृत’ नागरिकता प्राप्त हुने गरी विधेयक पास भएको छ। खासगरी माओवादी केन्द्रका अध्यक्ष प्रचण्डको भारत भ्रमण लगत्तै संसदमा नागरिकता जस्तो संवेदनशील विषयमा यस्तो हुनुलाई अर्थपूर्ण मानिएको उनले बताएका छन्।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ