• News Portal

    • आज :

    ताजा शिर्षकहरु

    प्रदेश १ समाचार

    कोरोन बढ्न थालेपछि खुल्यो कोभिड अस्पताल

    1.1K
    SHARES


    विराटनगर । प्रदेश १ सरकारले सञ्चालन गरेको कोशी अस्पताल कोभिड १९ उपचार केन्द्र बन्द भएको साढे तीन महिनापछि फेरि खुलेको छ ।  चैत १५ गतेयता बन्द रहेको कोभिड १९ उपचार केन्द्र कोरोना संक्रमित बढेसँगै फेरि सञ्चालनमा आएको छ ।

    कोरोना संक्रमित आउन छाडेपछि प्रदेश सरकारले वैशाख १८ गतेदेखि सो अस्पतालमा निशुल्क स्वास्थ्य उपचार सेवा सञ्चालन गरेको थियो । बिहीबारबाट कोरोना संक्रमित भर्ना लिन थालिएको अस्पतालका फोेकल पर्सन फिजिसियन डा. डेनप्रसाद आचार्यले जानकारी दिए । बिहीबार एक जना विरामी भर्ना भएको अस्पतालमा शुक्रबार एकै दिन १६ जना थपिएका छन् ।

    जिल्ला कारागार मोरङमा रहेका १८ जना कैदीबन्दीको एन्टीजेन परीक्षण गर्र्दा १६ जनामा कोरोना संक्रमण भेटिएपछि उनीहरुलाई अस्पतालमा भर्ना गरिएको हो । कोशी कोभिड अस्पतालका निमित्त प्रमुख अनुपम राजवंशीले बिहीबारबाट संक्रमित भर्ना हुन थाले पनि ओपीडी सेवा जारी रहेको रहेको उनले बताए ।

    अस्पतालका मेडिकल सुपरिटेन्डेन्ट डाक्टर यज्ञराज खरेलका अनुसार कारागारबाट अत्याधिक ज्वरो आएपछि १९ जना कैदीबन्न्दीलाई बिहीबार अस्पताल भर्ना गरेको थियो । भर्ना गरिएका मध्ये एक जनाको बिहीबार नै मृत्यु भएको छ । कोरोनासँग मिल्दोजुल्दो लक्षण देखिएका मृतकको कोरोना जाँच भने गरिएन ।

    कैदीबन्दीमा कोरोना देखिएपछि जाँच गर्न निर्देशन दिइएको मोरङका प्रमुख जिल्ला अधिकारी काशीराज दाहालले बताए । एक हजार ८७ जना कैदीबन्दी रहेको कारागारमा अन्यलाई पनि ज्वरो देखिएपछि कोरोना जाँच गर्न निर्देशन दिइएको उनले बताए ।

    कोशी कोभिड अस्पतालका फोकल पर्सन डा. आचार्यका अनुसार पछिल्लो समय कोरोनासँग मिल्दो जुल्दो लक्षणसहितका बिरामी बढ्न थालेका छन् । ‘उच्च ज्वरोका विरामी बढेका छन्,’ उनले भने, ‘बच्चाहरुमा पनि ज्वरो छ, र यो सिजनल फ्लूको समय होइन’, उनले भने । अस्पतालमा निमोनियाको समस्या लिएर आएका बिरामीहरुमा कोरोनाका लक्षण देखिएको उनको भनाइ छ ।

     

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया