• News Portal

    • आज :

    ताजा शिर्षकहरु

    चर्चित शिर्षकहरु

    विजनेश समाचार

    नेपाल-चीन लगानी सम्मेलनका लागि सहयोग गर्न दूतावाससँग महासंघको आग्रह

    395
    SHARES


    काठमाडौँ। नेपाल उद्योग वाणिज्य महासंघका कार्यवाहक अध्यक्ष चन्द्र प्रसाद ढकालले नेपाल–चीन लगानी सम्मेलनका लागि वेइजिङस्थित नेपाली दूतावाससँग सहयोग माग गरेका छन् । बिहीबार राजधानीमा जनवादी गणतन्त्र चीनका लागि नवनियुक्त राजदूत विष्णु पुकार श्रेष्ठसँग भेट गर्दै ढकालले यस्तो आग्रह गरेका हुन् ।

    महासंघले सम्मेलनलाई प्रमुख प्राथमिकतामा राखी आयोजना गर्न चाहेकाले त्यहाँ रहेर आवश्यक सहयोग गरिदिन आग्रह गरेका हुन् । नेपालमा चिनियाँ लगानी प्रवद्र्धन गर्न आवश्यक रहेको बताउँदै कार्यवाहक अध्यक्ष ढकालले सोका लागि समेत विशेष प्रवन्ध मिलाइदिन नवनियुक्त राजदूतसँग आग्रह गरे ।

    कोभिडपछि आएको विश्वव्यापी मन्दीको परिवेशमा नेपालको बैंकिङ प्रणालीमा टेवा पुर्याउन पनि चिनिया लगानी ल्याउने कार्यमा हाम्रो कुटनीति सक्रिय रुपमा लाग्नु पर्ने उनको सुझाव थियो । कार्यवाहक अध्यक्ष ढकालले नेपाली वस्तुहरुको चीनमा निर्यात प्रवद्र्धन गर्ने कार्यमा र नेपालमा चिनियाँ पर्यटन बढाउन राजदूतावासको सहयोगको अपेक्षा निजी क्षेत्रले गरेको बताए ।

    कार्यवाहक अध्यक्षले महासंघ र अखिल चीन उद्योग वाणिज्य महासंघ र अन्तराष्ट्रिय व्यापार प्रवद्र्धनका लागि चिनिया परिषदबीच प्रगाढ सम्बन्धलाई थप उपलब्धिमूलक बनाउनुपर्नेमा जोड दिए । सो भेटमा नवनियुक्त राजदूत श्रेष्ठले आफ्नो सक्दो सहयोग रहेन प्रतिवद्धता जाहेर गरे ।

     

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ