• News Portal

    • आज :

    ताजा शिर्षकहरु

    चर्चित शिर्षकहरु

    Highlights प्रदेश राजनीति

    तुलसीपुर उपमहानगरको मेयर र उपमेयरमा एमाले विजयी

    450
    SHARES


    काठमाडौँ । वैशाख ३० गते भएको स्थानीय तह चुनावको ११ वटै उपमहानगरको मतपरिणाम सार्वजनिक भएको छ। बुधबार दिउँसो दाङको तुलसीपुर उपमहानगरपालिकाको मतपरिणाम सार्वजनिक भएको छ।

    तुलसीपुरमा सत्तारूढ गठबन्धनलाई हराउँदै नेकपा एमालेले मेयर र उपमेयर जितेको छ। मेयरमा टीकाराम खड्का र उपमेयरमा स्यानी चौधरी विजयी भएका हुन्।

    खड्काले गठबन्धनबाट उम्मेदवार बनेका कांग्रेसका गेहेन्द्र गिरीलाई हराएका हुन्। खड्काले ३१४०८ मत ल्याउँदा गिरिले २७७१६ मत पाए। उपमेयरमा चौधरीले ३०५९७ मत ल्याएर विजयी भइन्।

    पराजित भएका नेकपा एकीकृत समाजवादीका जोगबहादुर राना मगरले २१०६५ मत पाए। एमालेले यसअघि छिमेकी घोराही उपमहानगरमा पनि सत्ता गठबन्धनलाई हराएर जित हात पारेको थियो।

    यी दुबै उपमहानगरमा २०७४ को चुनावमा पनि एमाले विजयी भएको थियो। यसपालि एमालेले दाङका दुई र बाराको कलैया उपमहानगरमा मेयर र उपमेयर जितेको छ।

    धनगढीको मेयरमा स्वतन्त्र उम्मेदवार गोपाल हमाल, नेपालगन्जमा कांग्रेसका प्रशान्त बिष्ट, बुटवलमा कांग्रेसका खेलराज पाण्डेय, हेटौंडामा नेकपा (एकीकृत समाजवादी)की मीनाकुमारी लामा, जितपुर सिमरामा माओवादी केन्द्रका राजन पौडेल, जनकपुरमा कांग्रेसका बागी उम्मेदवार मनोज साह, इटहरीमा कांग्रेसका हेमकर्ण पौडेल र धरान उपमहानगरमा स्वतन्त्र उम्मेदवार हर्क साम्पाङ विजयी भएका छन्।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ