• News Portal

    • आज :

    ताजा शिर्षकहरु

    चर्चित शिर्षकहरु

    कर्णाली राजनीति स्थानीय चुनाव २०७९

    माओवादी केन्द्रले पनि खोल्यो खाता, यी ठाउँमा प्यानल नै बिजयी

    66
    SHARES


    रुकुम । रुकुम पश्चिमको सानीभेरी गाउँपालिका वडा नम्बर १ मा नेकपा माओवादी केन्द्रको प्यानल नै विजयी भएको छ । वडाध्यक्षमा नेकपा माओवादी केन्द्रका टेकबहादुर पुन विजयी भएका हुन् ।

    उनले ५ सय ६१ मत प्राप्त गर्दा उनका प्रतिस्पर्धी नेपाली कांग्रेसका खले पुनले २ सय ८१ मत प्राप्त गरे । त्यस्तै अध्यक्षमा नेकपा माओवादी केन्द्रका विर्खबहादुर विष्टले ५ सय ४७ मत सहित अग्रता कायम गरेका छन् ।

    उनका प्रतिस्पर्धी कांग्रेस–एमाले गठबन्धनबाट कांग्रेसका गोरखप्रसाद चन्दले २ सय ८० मत ल्याएका छन् । उपाध्यक्षमा पनि नेकपा माओवादी केन्द्रकै कमला रोका पुनको अग्रता छ ।

    उपाध्यक्षमा पुनले ५ सय ४७ मत ल्याउँदा कांग्रेस–एमाले गठबन्धनबाट एमालेका प्रकाश खड्काले १ सय ५७ मत ल्याएका छन् । मुसिकोट नगरपालिकामा पनि मतगणना सुरु भएको छ ।

    अन्य ४ वटा स्थानीय तहमा भने मत गणना सुरु हुन सकेको छैन । यस्तै सल्यानको कुमाख गाउँपालिकाको वडानम्बर १ मा नेकपा माओवादी केन्द्र विजयी भएको छ ।

    जिल्लाको यो पहिलो नतिज हो ।यो वडामा माओवादीको पूरै प्यानलै विजयी भएको छ । वडाध्यक्षमा माओवादीका डिल्लीबहादुर राना विजयी भएका छन् । उनले ६०८ मत ल्याएर विजयी भएका हुन् ।

    यस्तै दार्चुलाको लेकम गाउँपालिमा ४ सय मत गन्दा अध्यक्षमा माओवादी केन्द्रका उम्मेदवार अगाडि देखिएका छन्। माओवादी केन्द्रका रामदत्त जोशीले२१६ मत पाएका छन् भने एमालेका परमानन्द जोशीले १२८ मत ल्याएका छन्।

    एकीकृत समाजवादी नरेन्द्र रावलले ३० मत पाएका छन्। मतगणना जारी छ। यता मकवानपुरको भीमफेदी गाउँपालिकाको अध्यक्षमा गठबन्धनले अग्रता लिएको छ।

    गठबन्धनको तर्फबाट अध्यक्ष उम्मेदवार बनेका नेकपा माओवादीका बद्रीबहादुर स्याङ्तानले ७ सय ७७ मत ल्याएका छन्। एमालेका हिदम लामाले ६ सय ६४ मत ल्याएका छन्।

    उपाध्यक्षमा कांग्रेसका सञ्जिव श्रेष्ठले ७ सय ८० मत ल्याएका छन् भने एमालेका पार्वती रानाले ६ सय ५९ मत ल्याएकी छन्। २०७४ मा पनि यो भीमफेदी गाँउपालिकामा काग्रेस र माओवादी गठबन्धन भएको थियो। गठबन्धनलाई हराउँदै एमाले विजयी भएको थियो।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ