• News Portal

    • आज :

    ताजा शिर्षकहरु

    चर्चित शिर्षकहरु

    समाचार स्थानीय चुनाव २०७९

    गोरखामा माओवादी र जसपाबीच तालमेल, कांग्रेस जिल्लै

    414
    SHARES


    काठमाडौँ । गोरखा नगरपालिकामा नेकपा माओवादी केन्द्र र जनता समाजवादी पार्टी नेपाल (जसपा) बीच चुनावी तालमेल गर्ने सहमति भएको छ।

    सत्तागठबन्धनबीच मित्रवत प्रतिस्पर्धा गर्ने सहमतिअनुसार यहाँ वैशाख १२ मा आ-आफ्नो हिसावले दलहरूले उम्मेदवारी दर्ता गरेका थिए।

    उम्मेदवारी दर्ता र फिर्ताको समय सकिएपछि पनि चुनावी तालमेल भएका छन्। गोरखा नगरपालिकामा मेयर माओवादीले राखेर उपमेयर जसपालाई दिने गरी चुनावी तालमेल भएको छ।

    जसपा केन्द्रले कांग्रेससँग चुनावी तालमेल गर्न निर्देशन दिए पनि माओवादी र जसपाबीच तालमेल भएको हो। मेयरमा माओवादीका कृष्ण राना र उपमेयरमा जसपाका नारायण खत्री रहने गरी तालमेल भएको छ।

    यसअघि गोरखाकै गण्डकी गाउँपालिकामा पनि माओवादी र जसपाबीच तालमेल भएको थियो। माओवादीले अध्यक्ष लिएर उपाध्यक्ष जसपालाई छाड्ने गरी तालमेल भएको थियो।

    ०७४ मा गोरखा नगरपालिका र गण्डकी गाउँपालिका दुबै नेपाली कांग्रेसले जितेको थियो। यो सहमतिको पत्र बाहिरिएसँगै गोरखामा कांग्रेस दल भने असन्तुष्ट छ।

    बाबुराम भट्टराईको गृहनगर पालुङटारमा कांग्रेसलाई मेयर उम्मेदवारबाट ‘ब्याक’ गराउन दबाब दिएर गोरखा नगरपालिकामा भने जसपा माओवादीसँग चुनावी तालमेल गरेको भन्दै कांग्रेसले असन्तुष्टि जनाएको छ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ