• News Portal

    • आज :

    ताजा शिर्षकहरु

    चर्चित शिर्षकहरु

    पत्रपत्रिका

    मन्त्रीमण्डल विस्तार गर्दै देउवा, कसलाई छाने नयाँ गृहमन्त्री ?

    2.5K
    SHARES


    काठमाडौं। शेरबहादुर देउवाले मन्त्रिमण्डल पुनर्गठन गर्ने भएका छन्। त्यसका लागि सत्तारुढ गठबन्धनमा सहमति भसकेको छ। सरकारमा रहेका चारवटै पार्टीले आफ्ना केहि मन्त्रीलाई फिर्ता बोलाएर नयाँलाई पठाउने भएका छन्।माओवादी केन्द्रले युवा तथा खेलकुद मन्त्री महेश्‍वर जंग गहतराज अथक र अर्थमन्त्री जनार्दन शर्मा प्रभाकरलाई फिर्ता बोलाउने तयारी थालेको छ।

    यता एकिकृत समाजवादीले शहरी विकास मन्त्री रामकुमारी झाँक्री लगायतलाइ फिर्ता बोलाउने तयारी गरेको हो। त्यस्तै , श्रम, रोजगार तथा सामाजिक सुरक्षा मन्त्री कृष्णकुमार श्रेष्ठ र स्वास्थ्य तथा जनसंख्या मन्त्री विरोध खतिवडालाई फिर्ता बोलाउने भएको छ। जसपाले पनि केही मन्त्रीलाई फिर्ता बोलाउने भएको छ।

    उनीहरुले यस अघि नै मन्त्रीहरुलाई आधा कार्यकालका लागि मात्रै नियुक्त गरिएको जनाएका थिए। काँग्रेसले पनि केही मन्त्रीलाई फिर्ता बोलाउने छ। निर्वाचन आचारसंहिता कार्यान्वयन हुनु अगावै मन्त्री मण्डल पुनर्गठन गरिसक्ने योजनामा सत्ता गठबन्धन रहेको श्रोतको दावि छ।

    मन्त्रीमण्डल पुनर्गठनका बारेमा गठबन्धनको उच्च तहमा छलफल भएको छ, केहि मन्त्रीहरु हेरफेर हुनेछन् भने केहि मन्त्रालय समेत साटफेर हुन सक्छन्’, बालु्वाटार श्रोतले भन्यो। श्रोतका अनुसार माओवादीले अर्थमन्त्री शर्मालाई मन्त्रीबाट र्फिता गरेर पार्टी महासचिव बनाउन लागिएको माओवादी केन्द्र निकट एक नेताले बताए। शर्माको ठाउँमा बर्षमान पुनलाई अर्थमन्त्री बनाउने तयारीमा प्रचण्डले गरेका छन्।

    शर्माले पार्टी महासचिव नबनाए आफूलाई गृहमन्त्री बनाउन पर्ने माग राखेका छन्। उहाँको जोड पार्टीको महासचिवमै छ। तर बार्गेनिङका लागि कांग्रेसले चलाइरहेको गृह मन्त्रालयमा आँखा लगाउनु भएको छ।

    माओवादी केन्द्रका चर्चित नेताले भने, अर्थमन्त्रालयमा राम्रो गर्न सकिन भन्ने उहाँ आफैलाई लागेको छ। अर्थमन्त्रीज्यूलाई फिर्ता बोलाएर पार्टीमा महत्वपूर्ण जिम्मेवारी दिनेबारे शिर्ष तहमा छलफल भएको छ’ माओवादी केन्द्र निकट एक नेताले भने।

    त्यसो त केहि मन्त्रालयहरु समेत साटफेर हुने सम्भवना रहेको श्रोत बताउँछ। माओवादीलाई परराष्ट्र मन्त्रालय दिएर काँग्रेसले अर्थमन्त्रालय लिने सम्भावना समेत छ । त्यस्तो अवस्थामा वर्षमान पुनलाई परराष्ट्र मन्त्रालयको जिम्मेवारी दिने सम्भावना छ।

    डा. नारायण खड्कालाई परराष्ट्रबाट सारेर अर्थ मन्त्री बनाउनेबारे पनि छलफल भैरहेको छ। त्यसो त ज्ञानेन्द्र बहादुर कार्कीले पनि अर्थमन्त्रालयका लागि लबिङ गरिरहेका छन्। उता, नेकपा एकिकृत समाजवादीले गतिलो मन्त्रालय पाउनुपर्ने अडान अघि सारेको छ। भौतिक पूर्वाधार वा उद्योग बाणिज्य तथा आपूर्ति मन्त्रालयको नेतृत्व पाउनुपर्ने माग समाजवादीले अघि सारेको छ।

    तर प्रधानमन्त्री देउवाले कांग्रेश माहाधिबेशनको गुण तिर्न प्रकाशमान सिहलाई गृहमन्त्रि नियुक्त गर्न लागेको नाम नबताउने सर्तमा एक नेताले जानकारी दिए। शक्ति सन्तुलन नमिल्ने भन्दै कांग्रेशका अरु नेताहरुले पनि गृहमन्त्रालय अरुलाई दिन नहुने बताइरहेका छन्।

    प्रचण्डसंग बाग्रेनिङमा नारायणकाजि: नेकपा माओवादी केन्द्रभित्र प्रचण्डले पार्टीमा जे चाहन्छन् त्यही हुन्छ। यो विगतदेखि चल्दै आएको माओवादी संस्कार हो। प्रचण्डले चाहे कसैलाई टिका लगाएर ठुलो मान्छे बनाइदिन सक्छन्।

    प्रचण्डले चाहे आफैँले आफैलाई टिका लगाएर बर्षौ नेतृत्वमा रहीरहन सक्छन्। त्यसलाई स्वीकार्नेहरु माओवादीमा रहन्छन्, नत्र चुपचाप आफ्नो बाटो तताउँछन्। यसरी विगतमा माओवादीमा धेरैले बाटो तताएका छन्। त्यो शिलशिला अहिले नारायणकाजी श्रेष्ठसम्म आइपुगेको छ।

    १० बर्षे जुनयुद्धपछि माओवादी शान्तिपूर्ण राजनीतिमा पदार्पण गरेसँगै जस्केलाबाट छिरेका र सबैभन्दा बढी सुविधाभोग गरेका नारायणकाजी श्रेष्ठ अहिले प्रचण्डसँग अन्तरसंघर्ष चर्काइरहेका रहेका छन्।

    २०६५ पछि माओवादीमा समाहित भएका उनी प्रचण्डसँग बाग्रेनिङ गर्ने र सत्ता र सुविधाभोगको मजा उठाउने पात्रका रुपमा माओवादीभित्रै आलोचित छन्। पछिल्लो पटक एमसीसीको मुद्धामा अध्यक्ष प्रचण्डसँग विमति राख्दै पार्टीभित्र श्रेष्ठको संघर्ष चर्किएको छ।

    पार्टी विपक्षमा उभिएकै बेला प्रचण्डले एमसीसी पास गरेर गम्भीर भूल गरेको आरोपसहित उनी पार्टीबाटै विभाजित हुनेसम्मको छलफल चलाइरहेका छन्। तर यसलाई पार्टी पदाधिकारीका लागि गरिएको बाग्रेनिङका अर्थमा समेत बुझिएको छ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ