• News Portal

    • आज :

    ताजा शिर्षकहरु

    चर्चित शिर्षकहरु

    खेलकुद समाचार

    यूएईविरुद्ध टस हारेर फिल्डिङ गर्दै नेपाल

    1K
    SHARES


    काठमाडौँ । आइसिसी टी-२० विश्वकप छनोटअन्तर्गत सेमिफाइनको खेलमा नेपालले युएईविरूद्ध पहिले बलिङ गर्ने भएको छ। युएईले टस जितेर ब्याटिङ गर्ने निर्णय गरेपछि नेपालले पहिले बलिङ गर्ने भएको हो।

    टिममा कुशल मल्लको स्थानमा विवेककुमार यादवले स्थान बनाएका छन्।युएईविरूद्धको सेमिफाइनल जित्न सके नेपाल टी-२० विश्वकपमा स्थान पक्का गर्नेछ। हारले नेपालको विश्वकप खेल्ने सपना चकनाचुर हुनेछ। यसपटकको टी-२० विश्वकपमा आगामी अक्टोबरमा अस्ट्रेलियामा आयोजना हुँदैछ।

    यो अवसर नेपाललाई ८ वर्षपछि आएको हो। नेपालले पछिल्लो पटक सन् २०१४ को आइसिसी टी-२० विश्वकप खेलेको थियो। सन् २०१३ मा भएको छनोट पार गरेर पहिलो पटक विश्वकप खेलेपछि नेपालमा क्रिकेटको उचाइ ह्वात्तै बढेको थियो।

    त्यसयता भने नेपाल विश्वकपमा छनोट हुन सकेको छैन। पछिल्लो १० वर्षमा पाँचौ पटक विश्वकप छनोट खेलिरहेको नेपालले दोस्रो पटक विश्वकपमा स्थान बनाउन समानस्तरको प्रतिद्वन्द्वी युएईलाई हराउन सहज भने छैन।

    युएईले समूह चरणमा टेस्ट टिम आयरल्यान्डलाई १८ रनले पराजित गरेको थियो। यस्तै विश्वकप छनोटअघि ओमानमै भएको चार देश सम्मिलित टी-२० सिरिजमा युएईले नेपालमाथि २५ रनको जित निकालेको थियो। नेपाली बलरमाथि हाबी भएको युएईले १९२ रन जोडेको थियो।

    युएईविरूद्धको खेलपछि भने नेपाली बलर आफ्नो प्रदर्शनमा सुधार ल्याएका छन्। कप्तान सन्दीप लामिछानले प्रत्येक खेलमा विकेट लिइरहेका छन्। तीव्र गतिका बलरहरू कमलसिंह ऐरी, अभिनास बोहरा र जितेन्द्र मुखिया पनि फर्ममा छन्।

    ब्याटिङमा ओपनर कुशल भुर्तेलले समूह चरणमा फिलिपिन्सविरूद्ध शतक हिर्काएका थिए। दीपेन्द्रसिंह ऐरी ब्याटिङसहित बलिङमा पनि जमेका छन्। समूह चरणका तीनै खेलमा जित हात पारेकाले नेपालको मनोबल उच्च छ।

    नेपालले सन् २०१२ मा युएईमा भएको विश्व छनोट खेलेको थियो। त्यतिबेला नेपाल सातौं भएको थियो। नेपालले सन् २०१३ को विश्व छनोटमा भने उत्कृष्ट खेलेको थियो। जहाँ नेपाल तेस्रो हुँदै सन् २०१४ को टी-२० विश्वकप पुगेको थियो।

    सन् २०१५ को विश्व छनोटमा भने नेपालको प्रदर्शन राम्रो हुन सकेन। आयरल्यान्ड र स्कटल्यान्डमा भएको प्रतियोगितामा समूहको पुछारमा रहँदै बाहिरिएको थियो।

    सन् २०२१ मा युएईमा भएको विश्वकपका लागि २०१९ मा सिंगापुरमा एसिया छनोट भएको थियो। जहाँ नेपालले खराब प्रदर्शन गर्दा सन् २०१२ पछि विश्व छनोट खेल्ने अवसर गुमाएको थियो।

    अस्ट्रेलियामा हुने विश्वकपमा १६ टिमबीच प्रतिस्पर्धा हुनेछ। १२ टिमको स्थान पक्का भइसकेको अवस्थामा बाँकी चार टिमका लागि विश्व छनोट हुनेछ। ओमानमा जारी छनोटबाट दुई टिमले विश्वकपमा स्थान बनाउने छन्।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ