• News Portal

    • आज :

    ताजा शिर्षकहरु

    चर्चित शिर्षकहरु

    Highlights राजनीति

    एमालेले प्रतिनिधि सभा बैठक अवरोध जारी राख्ने

    420
    SHARES


    काठमाडौँ । प्रमुख प्रतिपक्ष दल नेकपा एमालेले संसद् अवरोध जारी राख्ने भएको छ । गत भदौ २३ यता संसद् बैठक अवरोध गर्दै आएको एमालेले भोलि माघ २६ गते बुधबार बोलाइएको बैठक पनि अवरोध गर्ने नीतिमा कुनै परिवर्तन नआएको जनाएको हो ।

    नेकपा एमालेका प्रमुख सचेतक विशाल भट्टराईले संसद् खोल्ने विषयमा एमालेको नीति परिवर्तन नभएको बताए । ‘हाम्रो पूर्ववत अभियान र अवरोध जारी नै रहन्छ, जबसम्म सभामुखले निर्णय सच्चाउनुहुन्न वा राजीनामा दिनुहुन्न त्यसबेलासम्म संसद् अवरोध जारी रहन्छ’, प्रमुख सचेतक भट्टराईको भनाइ छ ।

    नेता भट्टराईले प्रमुख प्रतिपक्षकै कारण सरकारले स्थानीय तहको मिति तोक्न बाध्य भएको भन्दै एमालेले अपनाएको नीति मुलुकको राजनीति र देशलाई समेत सही दिशामा लैजान महत्त्वपूर्ण भएको दाबी गरे ।

    ‘एक वर्षपछि मात्रै चुनाव गर्नु भन्ने सत्ता पक्षलाई बेलैमा गर्ने बनाएको एमालेले नै हो’, नेता भट्टराईले भने, ‘प्रमुख प्रतिपक्ष नभएको भए स्थानीय तहको चुनाव तोकिदैन थियो ।’

    उनले सत्तारुढ दलका नेता पुष्पकमल दाहाल ‘प्रचण्ड’ ले संविधानको धारा २२५ अनुसार अर्को साल मात्रै गर्ने भनेको भन्दै एमालेकै दबाबका कारण यही वैशाखमा स्थानीय तह चुनावको मिति तोक्न सरकार बाध्य भएको बताए । ‘यो चुनावको मिति तोक्ने र चुनाव हुने ठाउँमा कसले ल्यायो त ?’, भट्टराईको प्रश्न छ ।

    उनले प्रमुख प्रतिपक्ष दल एमालेले सबै पार्टीलाई लाइनमा ल्याउँदै संविधानलाई समेत ट्रयाकमा ल्याएर मुलुकलाई अगाडि बढाउने दाबी समेत गरे । सरकारले चुनावको मिति तोकिसकेकाले अव एमालेको ध्यान र गतिविधि चुनावतर्फ केन्द्रित हुने बताए ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ