• News Portal

    • आज :

    ताजा शिर्षकहरु

    चर्चित शिर्षकहरु

    राजनीति

    कैलाली ‘बोक्सी काण्ड’का रमिते मेयरमाथि गोली हानेको भन्दै नेकपाका तीन नेता गिरफ्तार, के हो यथार्थ ?

    10.7K
    SHARES

    धनगढी, २९ फागुन । 

    कैलाली बोक्सी काण्डका रमिते घोडाघोडी नगरपालिकाका मेयर ममताप्रसाद चौधरीमाथि गोली हानेको भन्दै प्रहरीले नेकपाका ३ जना नेताहरुलाई गिरफ्तार गरेको छ ।

    सुख्खडस्थित अाफ्नै घरमा सुतिरहेका कमल क्षेत्री र भरत शाहलाई प्रहरीले राति ३ बजेतिर गिरफ्तार गरेको थियो । त्यसैगरी हृदय बोगटीलाई कैलालीको टिकापुरस्थित घरबाटै गिरफ्तार गरेको हो ।

    तर नेपाल कम्युनिस्ट पार्टीले मेयर चौधरीको गोलीकाण्डमा अाफ्नो पार्टीको संलग्नता नरहेको स्पष्ट पारेको छ । प्रहरीले अाफ्ना तीन नेतालाई प्रहरीले राति घरबाटै गिरफ्तार गरेको घटनाप्रति नेकपा कैलालीका इन्चार्ज महानले अापत्ति जनाएका छन् ।

    ‘घटनामा हाम्रो पार्टीको संलग्नता छैन, ‘घटनामा हाम्रो पार्टीको संलग्नता छैन, हाम्रो निर्दोष साथीहरुलाई मध्यरात अपहरणशैलीमा गरिएको गिरफ्तारीप्रति हाम्रो अापत्ति छ’ इन्चार्ज महानले अनलाइन डबलीसँग भने । उनले तीनै जनालाई तत्काल रिहा गर्न समेत माग गरेका छन् । मेयर ममताप्रसद चौधरीमाथि सोमबार साँझ उनकै घरमा अज्ञात समूहले गोली र खुकुरी प्रहार गरेको थियो ।

    प्रहरीले ममताप्रसाद चौधरीमाथि गोली प्रहारमा संलग्‍नाको अाशंकमा नेकपा कैलालीका तीन नेतालाई गिरफ्तार गरेको छ ।  घटनामा अाफ्नो संलग्‍नता नरहेकोबारे नेकपा कैलालीले विज्ञप्ति निकाल्ने तयारी गरिरहेको छ ।

    चौधरीमाथि सोमबार साँझ मोटरसाइकलमा आएको अज्ञात समूहले गोली प्रहार गरेको प्रदेश नं. ७ प्रहरी कार्यालयका प्रमुख एआईजी माधवप्रसाद नेपालले पुष्टि गरे । मेयर चौधरीमाथि सोही नगरपालिका निवासी राधा चौधरीलाई बोक्सीको अारोपमा ६ घण्टासम्म यातना दिँदा समेत रमिते बनेको अारोप लागेको थियो । यस्तै चौधरीमाथि कुटपिट हुदा पीडकहरुलाई संरक्षण दिएको आरोप समेत लागेको थियो ।

    प्रहरीले अनुमानका भरमा नेकपाका नेताहरु गिरफ्तार गरेपनि मेयर चौधरीमाथि कसले गोली हानेको हो भन्ने बारेमा केहि पत्ता लगाउन सकेको छैन ।

    प्रतिक्रिया

    आजको ट्रेन्डिङ