• News Portal

    • आज :

    ताजा शिर्षकहरु

    चर्चित शिर्षकहरु

    विजनेश समाचार

    लगातार तेस्रो दिन दोहोरो अंकले बढ्यो नेप्से

    404
    SHARES


    काठमाडौँ । नेपाल स्टक एक्सचेञ्ज (नेप्से) लगातार तेस्रो दिन दोहोरो अंकले बढेको छ । साताको पहिलो कारोबार दिन आइतबारदेखि नै बढ्न थालेको नेप्से परिसूचक हिजो सोमबार र आज मंगलबारसम्म पनि दोहोरो अंकले बढेको हो ।

    नेप्सेमा आइतबार ६० अंकको सुधार आएको थियो । हिजो सोमबार ३२ अंकले बढेको थियो भने आज मंगलबार ६३ अंकले बढेको छ । यससँगै पछिल्लो तीन कारोबार दिनमा नेप्से परिसूचक १५५ अंकले बढेको छ ।

    आज ६३ अंकले बढेको नेप्सेमा चार अर्ब ३२ करोड रुपैयाँ बराबरको ९१ लाख १० हजार कित्ता सेयर किनबेच भएको छ । लगातार तेस्रो दिन दोहोरो अंकले बढेपछि नेप्से परिसूचक २६ सय ७९ अंकमा पुगेर रोकिएको छ । खासगरी, नेपाल राष्ट्र बैंकले गरेको पछिल्लो दुई वटा निर्णयले बजारमा सकारात्मक सन्देश प्रवाह भएको हो ।

    राष्ट्र बैंकले स्थानीय तहको ८० प्रतिशत बजेटलाई बैकिङ तरलतामा गणना गर्न वाणिज्य बैङ्कहरूलाई स्वीकृति दिएसँगै बजारमा तरलता अभावको संकट सुधारिन थालेको छ । यस्तै, विदेशबाट भित्रिने सामानको आयातमा समेत राष्ट्र बैंकले कडाइ गरेको छ । यससँगै नेपालको अनियन्त्रित आयात रोकिने र बजारको तरलता अभाव कम हुने आँकलन गरिएको छ । केन्द्रीय बैंकको यी दुई वटा निर्णयले सेयर बजार सुधारिन थालेको हो ।

    परिसूचक ६३ अंकले बढे पनि उत्पादनमूलक र अन्य समूहमा भने गिरावट आएको छ । उत्पादनमूलक समूहमा ४२ अंकको र अन्य समूहमा ६ अंकको गिरावट आएको हो । यीबाहेक अन्य समूहमा भने उत्साहजनक सुधार आएको छ । विकास बैंक समूहमा सबैभन्दा बढी २३२ अंकको, जीवन बीमा समूहमा १६० अंकको र लघुवित्त समूहमा ९१ अंकको सुधार आएको छ ।

    बजार दोहोरो अंकले बढ्दा श्री इन्भेष्टमेन्ट फाइनान्स र सप्तकोसी डेभलपमेन्ट बैंकको सेयर मूल्य १० प्रतिशतले बढेको छ । यस्तै, मध्य भोटेकोसी जलविद्युत कम्पनी र नेपाल एसबीआई बैंकको सेयर मूल्य ९ प्रतिशतभन्दा बढीले उकालो लागेको छ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया