• News Portal

    • आज :

    ताजा शिर्षकहरु

    चर्चित शिर्षकहरु

    Highlights खेलकुद

    इंग्ल्याण्डमाथि सनसनीपूर्ण जित निकाल्दै न्यूजिल्याण्ड फाइनलमा

    435
    SHARES


    काठमाडौँ । इग्ल्याण्डलाई पराजित गर्दै न्यूजिल्याण्ड टी–ट्वान्टी विश्वकप क्रिकेटको फाइनलमा पुगेको छ । जारी प्रतियोगिताको पहिलो सेमिफाइनल खेलमा न्यूजिल्याण्डले इंग्ल्याण्डलाई ५ विकेटले पराजित गरेको छ ।

    अबुधाबीमा न्यूजिल्याण्डलाई जितका लागि अन्तिम ४ ओभरमा ५७ रन आवश्यक हुँदा उसले तीन ओभरमै लक्ष्य भेटायो । टस हारेर पहिला ब्याटिंगको निम्तो पाएको इंग्ल्याण्डले ४ विकेटको क्षतिमा १६६ रन बनाको थियो । १६७ को लक्ष्य पाएको न्यूजिल्याण्डले खराब सुरुआत गरेको थियो ।

    पहिलो ओभरमै मार्टिन गप्टिललाई गुमाएको उसले त्यसपछि कप्तान केन विलियम्सन पनि सस्तैमा आउट हुँदा इंग्ल्याण्ड खेलमा हावी भएको थियो । तर न्यूजिल्याण्डका डेरिएल मिचेचल र ड्वेन काउनवेले टिमलाई उकासेका थिए ।

    मिचेलले नटआउट ७३ रन बनाए भने काउनवेले ४६ रन बनाएका थिए । तर न्यूजिल्याण्डको जितमा जेम्स निशमको महत्वपूर्ण योगदान रह्यो । उनले सुरुदेखि नै हिटिंग गरेका थिए । १७ औं ओभरमा कृस जर्डानको ओभरमा २३ रन जोडेर उनले न्यूजिल्याण्डको जितको आशा देखाएका थिए । उनले ११ बलमा २७ रन बनाए ।

    यसअघि इंग्ल्याण्डका लागि मोइन अलीले ५१ र डेबिड मलानले ४१ रन बनाएका थिए ।
    \प्रतियोगिताको दोस्रो सेमिफाइनल बिहीबार पाकिस्तान र अष्ट्रेलियाबीच हुने छ । यो खेलको विजेताले उपाधिका लागि न्यूजिल्याण्डसँग प्रतिस्पर्धा गर्नेछ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया