• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय

    आकाशमा अचानक आयो एलियनको उडन तश्तरी, उडिरहेको विमानको पिछा गर्न थाल्यो

    876
    SHARES


    काठमाडौं। अमेरिकी पाइलटहरुले आकाशबाट आएको एक चम्किलो वस्तुलाई आफ्नो क्यामेरामा कैद गरेको दावी गरेका छन् । पाइलटहरुले जतिबेला यो घटना क्यामेरामा रेकर्ड गरे त्यतिबेला उनीहरुको विमान आकाशमा उडिरहेको थियो ।

    यो चम्किलो वस्तु एलियनहरुको उडन तश्तरी भएको दावी गरिएको छ । आश्चर्यजनक रुपमा यो चम्किलो वस्तु उक्त विमानको साथ–साथ ३० मिनेटसम्म उडिरह्यो ।

    डेलीमेलको एक रिपोर्टअनुसार भिडियोमा मेक्सिकोमाथि उडिरहेको फेडेक्सका पाइलटहरुले आफ्नो क्यामेरामा एक चम्किलो वस्तुलाई कैद गरेका छन् । विशेषज्ञहरुले यो युएफओ हुन सक्ने बताएका छन् । केही विशेषज्ञहरुले यसलाई एलियनको उडनतश्तरी भएको बताएका छन् ।

    १९ आर्च २०२० मा यी पाइलटहरुले मेक्सिकोको मन्टेरीनजिकै कार्गो विमान उडाइरहेका बेला यो वस्तु देखिएको थियो । यो वस्तु उनीहरुको बिमान अगाडि बढ्दा सँगसँगै अगाडि बढिरहेको थियो ।

    पाइलटहरुले यो घटनाको भिडियो खिचेका थिए । यो भिडियोको बारेमा नेशनल एभिएसन रिपोर्टिङ सेन्टर अन एनोमलस फेनोमेनाको एक रिपोर्टमा विश्लेषण गरिएको छ ।

    रिपोर्टका अनुसार बोइङ ७६७ कार्गो विमान उडाइरहेका यी पाइलट एक क्यारिअर पाइलट हुन् । उनीसँग एक प्रमुख कार्गो कम्पनीका लागि काम गरेको १९ वर्षको अनुभवका साथै वाइड बडी उडाएको अनुभव पनि छ ।

    रिपोर्टमा भनिएको छ ‘घटना त्यतिबेला भयो जब पाइलटले ककपिटको बायाँतर्फ माथिबाट एक पहेंलो सेतो प्रकाश खसिरहेको देखे । उनीहरुलाई यो उल्का हो भन्ने लाग्यो तर अचानक यो चम्किलो वस्तु विमानको बराबरी उचाइमा आएर रोकियो ।

    वस्तुले विमानमा लेजर प्रकाश फ्याँक्यो । टक्करबाट बच्न विमानलाई वस्तुबाट टाढा गरियो । तर त्यो वस्तुले विमानको साथसाथ अगाडि बढ्न सुरु गर्यो । रहस्यमय तरिकाले यो विमानको राडारमा पनि देखिएन।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया