• News Portal

    • आज :

    ताजा शिर्षकहरु

    चर्चित शिर्षकहरु

    Highlights खेलकुद

    मुजिब र राशिदको घातक बलिङमा अफगानिस्तानको शानदार जित

    480
    SHARES


    काठमाडौं । स्पिनरद्वय मुजिब उर रहेमान र राशिद खानले घातक बलिङ गरेपछि अफगानिस्तानले आईसीसी टी-२० विश्वकप क्रिकेटमा विजयी सुरुआत गरेको छ ।

    युएईको शारजाँहमा सोमबार भएको एक मात्र खेलमा अफगानिस्तानले स्कटल्याण्डलाई १३० रनले पराजित गरेको हो ।

    दुई खेलाडीको स्पिन जादु चलेपछि अफगानिस्तानले दिएको १९१ रनको लक्ष्य पछ्याएको स्कटल्याण्ड १०.२ ओभर मात्रै क्रिजमा टिकेर ६० रनमै अलआउट भयो ।

    स्कटल्याण्डका जर्ज मुन्सेले २५, क्रिस ग्रेभिसले १२ कप्तान काएल कोट्जरले १० रन बनाउनु बाहेक बाँकी खेलाडीले दोहोरो अंकमा रन बनाउन सकेनन् ।

    अफगानिस्तानका मुजिबले ४ ओभरमा २० रन खर्चेर पाँच विकेट लिए । राशिद खानले २.२ ओभरमा ९ रन खर्तेर चार विकेट लिए । नभिन उल हकले एक विकेट लिए ।

    त्यसअघि टस जितेर पहिले ब्याटिङ गरेको अफगानिस्तानले २० ओभरमा चार विकेट गुमाएर १९० रन बनाएको थियो ।

    अफगानिस्तानका लागि नाजिबउल्लाह जद्रानले सर्वाधिम ५९ रन बनाए । यस्तै रहमानउल्लाह गुर्बाजले ४६, हज्रातउल्लाह जाजईले ४४ र मोहम्मद शाहजादले २२ रन बनाए । कप्तान मोहमद नाबीले अविजित ११ रन बनाए ।

    स्कटल्याण्डका साफ्यन शारिफले दुई तथा जोस डेभि र मार्क वाटले एक/एक विकेट लिए ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया