• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    पाँचथरमा मृत्यु हुनेको सङ्ख्या ३० पुग्यो, अझै ४ जना बेपत्ता

    290
    SHARES


    काठमाडाै‌ । अविरल वर्षाबाट आएको बाढी पहिरोमा परी पाँचथरमा ज्यान गुमाउनेको सङ्ख्या ३० पुगेको छ ।

    जिल्लाका विभिन्न स्थानीय तहमा गएको पहिरोमा परि २८ जनाले ज्यान गुमाएका थिए । ती प्रकोपमा परी बेपत्ता भएका ६ जना मध्ये २ जनाको शव फेला परेसँगै मृत्यु हुनेको सङ्ख्या ३० पुगेको हो । अझै ४ जना बेपत्ता रहेका छन् भने १० जना घाइते छन् ।

    राष्ट्रिय विपद् जोखिम न्यूनीकरण तथा व्यवस्थापन प्राधिकरणले शनिवार सार्वजनिक गरेको विवरण अनुसार बितेको २४ घण्टामा डडेलधुरामा पहिरोमा परि ५० वर्षकी महिलाको मृत्यु भएको छ ।

    कपिलवस्तुमा बाढीले बगाउँदा ३२ वर्षकी महिला र १३ वर्षीया बालिकाको मृत्यु भएको छ । यस्तै नवलपरासीमा बाढीले बगाउँदा ५० वर्षका पुरुष र ४५ वर्षकी महिलाको मृत्यु भएको छ । अछाममा ७ वर्षकी बालिकाको चुथी खोलाले बगाएर मृत्यु भएको छ ।

    मोरङमा सिघिया खोलामा आएको बाढीले बगाउँदा २१ वर्षका पुरुषको मृत्यु भएको छ । यस्तै सुनसरीमा ३१ वर्षका पुरुषलाई खोलामा आएको बाढीले बगाउँदा मृत्यु भएको छ । प्राधिकरणका अनुसार बितेको २४ घण्टामा बाढी पहिरो जस्ता प्रकोपबाट १४ जनाको ज्यान गएको छ ।

    यसैबिच गत वैशाख १ गतेदेखि कार्तिक ६ गतेसम्म बाढी पहिरो जस्ता प्राकृतिक प्रकोपका २ हजार ९० वटा घटनामा ३ सय ५३ जनाले ज्यान गुमाएका छन् । ८० जना बेपत्ता अवस्थामा छन् भने १२ सय ८४ जना घाइते भएका छन् ।

    सो प्रकोपबाट ३ हजार ४ सय ४३ परिवार प्रभावित भएका छन् । उक्त प्रकोपबाट झन्डै १ अर्ब ९ करोड २५ लाख २१ हजार रुपैयाँको क्षति भएको प्राधिकरणले जनाएको छ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया