• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    फेरि मिलेर अगाडि बढ्न ओली–प्रचण्डलाई चिनियाँ राजदूतको सुझाव

    515
    SHARES


    काठमाडौँ । चिनियाँ राजदूत होउ यान्छीले नेकपा एमाले र माओवादी केन्द्रलाई फेरि पनि मिलेर अगाडि बढ्न सुझाव दिएकी छन्। केही महिनाअघि मात्रै नेकपा विभाजन गरी पुरानै एमाले र माओवादी केन्द्रका नाममा सक्रिय भएका दुई कम्युनिस्ट पार्टीलाई राजदूत होउले फेरि मिल्न सुझाव दिएकी हुन्।

    मंगलबार नेपाल डायलग फोरमले भर्चुअल रुपमा आयोजना गरेको छलफलमा राजदूत होउले एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्डको नाम लिएर भनिन्, ‘नेपाली जनताको आर्थिक विकासको आकांक्षा पुरा गर्न तपाईंहरु मिल्न आवश्यक छ।’

    यसअघि एमाले र माओवादी केन्द्रबीच पार्टी एकता गराउन र कम्युनिस्ट सरकार बनाउन चीन सक्रिय भएको आरोप लागेको थियो। नेकपाभित्र ओली र प्रचण्डबीच द्वन्द्व बढिरहेका बेला राजदूत यान्छीले शक्ति बाँडफाँड गरेर सरकार र पार्टी एकता जोगाउन सुझाव दिएकी थिइन्।

    एमाले र माओवादी केन्द्र बेग्लाबेग्लै सक्रिय भएपछि चीनको तर्फबाट पुनः मिलेर अगाडि बढ्न सार्वजनिक रुपमा सुक्राव आएको सम्भवतः यो पहिलो पटक हो। चिनियाँ राजदूत सहभागी भएको यो कार्यक्रममा ओली र प्रचण्ड भने सहभागी थिएनन्।

    एमालेका नेता प्रदिप ज्ञवाली र माओवादीका नेता शक्ति बस्नेतले कार्यक्रममा मन्तव्य दिँदै स्थापना भएको एक सय वर्षमा चिनियाँ कम्युनिस्ट पार्टीले गरेको प्रगती र नेपाल–चीन सम्बन्धबारे चर्चा गरे।

    एमाले र माओवादीका नेता–कार्यकर्ता सहभागी कार्यक्रममा राजदूत होउले नेपाल-चीनबीच पार्टी-पार्टी र नागरिक-नागरिकबीचको सम्बन्ध अझै बलियो बनाउनु पर्ने बताएकी थिइन्।

    चिनियाँ कम्युनिष्ट पार्टीले एक वर्ष पुरा गरेको उपलक्ष्यमा एमाले अध्यक्ष ओली र माओवादी अध्यक्ष प्रचण्डले पठाएको शुभकामना सन्देशप्रति उनले धन्यवाद दिइन्।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया