• News Portal

    • आज :

    ताजा शिर्षकहरु

    चर्चित शिर्षकहरु

    जीवनशैली

    घरबाट निस्कने बित्तिकै शव, दुध वा खाली भाडो देखे के हुन्छ ?

    487
    SHARES


    कैयौं पटक भविष्यमा हुने केहि घटना विशेषगरी आर्थिक हानिका संकेत हामीले पहिले पाउन पनि सक्छौं । यदि यि संकेतलाई बुझ्न सकियो भने आर्थिक हानीबाट बच्न सकिन्छ ।

    कहिलेकाहि घर बाहिर निस्कने बेलामा हुने अनौठो घटना मार्फत हामीले भविष्यमा हुनसक्ने आर्थिक हानीका बिषयमा जानकारी पाउन सक्छौ । यस्ता कुन कुन संकेत मार्फत मानिसले हुनसक्ने आर्थिक हानीका विषयमा थाहा पाउन सकिन्छ ।

    घर बाहिर निस्कदा हाच्छ्यु आउनु
    घरबाट कुनै शुभ काममा निस्कदा हाच्छ्यु आएमा त्यसलाई अशुभ संकेत मानिन्छ । यसो हुदाँ कुनै न कुनै रुपमा काम बिग्रन सक्ने संकेत गर्दछ । पाका मानिसको सुझाव अनुसार यसरी घर बाहिर निस्कने बित्तिकै हाच्छ्यु आएमा केहिबेर रोकिनु पर्दछ । र सम्भव भए घर फर्कनु पर्दछ । घरमा केहि मिनेट बसेपछि सो काममा गए अशुभ समय टारीने मान्यता छ ।

    बाटोमा माछा, हात्ती, शव देख्नु
    कुनै काममा जादाँ बाटोमा माछा, हात्ती, पानको पात वा शव देखिएमा यसलाई शुभ संकेत मानिन्छ । यस्ता दृष्य देखिएमा मान्यता अनुसार भगवान स्वयं प्रकट भएको मानिन्छ । तसर्थ यस्ता दृष्य देखिएमा काम बन्ने मान्यता छ । यस अलावा बाटोमा फूल वा माला देखिएमा मांगलिक कार्य हुने संकेत मानिन्छ ।

    दूध, खाली भाडो र फोहोर देख्नु
    यदि घरबाट बाहिर निस्कदा खुट्टा हिलो वा गोबरमा परे वा दूध, खाली भाडो वा फोहोर देखिएमा यसलाई असफलताको सूचक मानिन्छ । यस्तोमा इष्ट देवको नाम लिइ भगवान शिव सम्झदै शिव–शिव जप गर्नु पर्दछ । साथै कुनै पनि शुभ कामका लागि जादाँ साथमा कलम वा रुमाल अनिवार्य बोक्नु पर्ने अन्यथा विवादमा पर्न सकिने मान्यता छ । शास्त्र अनुसार यस्ता केहि अशुभ संकेत भएमा केहिबेर रोकिई मिठाई र पानी खाएर हिड्नु पर्दछ ।

    सडकमा सिक्का र नोट भेटिनु
    यदि बाटोमा सिक्का भेटिए काम बन्न सयम लाग्ने संकेत मानिन्छ । तर नोट भेटिएमा रोकिएको काम बन्ने संकेत मानिन्छ । यदि दुबै भेटिए कसैको सहयोगमा काम बन्ने संकेत मानिन्छ । यसरी भेटिएको पैसाको वास्तविक धनी नभेटिए मन्दिरमा चढाउनु पर्ने वा गरीबमा दान गर्नुपर्ने मान्यता छ ।

    यतै मानिसको बौद्धिकतामा उसको स्मरण शक्ति र एकाग्रताले ठूलो महत्व राख्दछ । मानिस एकाग्र भए मात्र उसको आइक्यू बढ्ने वा स्मार्ट हुन मद्दत गर्दछ ।

    तर कतिपय मानिस एकाग्र हुन सक्दैनन् । यसकालागि केही यस्ता उपाय छन् जस मार्फत मानिस फूर्तिलो र चंख हुनुका साथै एकाग्र हुन सघाउँ पुर्याउँछ ।

    १. बिहानको खाजा
    भरसक बिहान खाजा खानु पर्दछ । बिहान खाजा खाँदा छोटो समयका लागि स्मरण शक्ति र एकाग्रता बढ्ने गर्दछ । खाजाँमा गहुँ, मकै, जौ, चामल लगायतका परिकार, दुग्ध पदार्थ र फलफूल खानु पर्दछ । तर अत्यधिक मात्राको खाजा भने सेवन गर्नु हुदैँन ।

    २. चिनी
    मस्तिष्कले मन पराउने र खोज्ने इन्धनको स्रोत हो, चिनी । चिनी भनेको ग्लुकोज हो । जो हामीले खाएको कार्बोहाइड्रेट र गुलियोजन्य खानेकुरा टुक्र्याएर हाम्रो शरीरले ग्लुकोज प्रशोधन गर्छ । त्यसैले कुनै एनर्जी पेय वा फलफूलको एक ग्लास जुस पिउँदा छोटो समयकालागि शारीरिक ऊर्जा, स्मरण शक्ति, सोचविचार क्षमता र मानसिक क्षमता बढ्छ । तर चिनी मिसिएका खानेकुरा र पेय पदार्थको अत्यधिक सेवनबाट जोगिनु उपयुक्त हुन्छ ।

    ३. क्याफिन
    क्याफिन अर्थात कफि, डार्क चकलेट, एनर्जी ड्रिंकले छोटो समयकालागि भए पनि सतर्क राख्छन् र एकाग्र हुन मद्दत गर्छन् । तर बढी मात्रामा क्याफिन उपभोग भने गर्नु हुदैँन ।

    ४. माछा
    मस्तिष्कको क्षमता बढाउने पोषक तत्व, प्रोटिनको राम्रो स्रोत हो, माछा । माछामा ओमेगा–३ फ्याटी एसिड पाइन्छ, जसले मानसिक क्षमता बढाउने गर्दछ ।

    ५. डार्क चकलेट र बदाम
    डार्क (कफी रंगका) चकलेटमा क्याफिन जस्तो उत्प्रेरक तत्व हुन्छ, जसले सतर्कता र एकाग्रता बढाउँछ । यस्तै बदाम, ओखर लगायतका भिटामिन ईको स्रोत हो । जो मानसिक क्षमता ह्रास हुन नदिने प्रभावकारी भिटामिन हो ।

    ६. रेशादार खाना
    शरीरलाई रेशादार खाना, गहुँ, मकै, चामल, जौ जस्ता खाद्यान्न र फलफूलको सेवनले लाभ पुर्याउँछ । यसले खराब कोलेस्टरोल घटाउनुका साथै मुटुसम्बन्धी रोगको जोखिम न्यून गर्न र रक्तनलीमा फोहर जम्न दिदैँन । यस्तोमा मस्तिष्कसम्म सहज रक्तसञ्चार हुन्छ र मस्तिष्कको क्षमता घट्न पाउँदैन ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया