• News Portal

    • आज :

    ताजा शिर्षकहरु

    चर्चित शिर्षकहरु

    खेलकुद

    असेन्सियोको ह्याट्रिकमा रियलको शानदार जीत

    478
    SHARES


    काठमाडाैं । मार्को असेन्सियोको ह्याट्रिकको मद्दतले मायोर्कालाई हराउँदै रियल म्याड्रिड पुनः स्पेनिस ला लिगाको शीर्ष स्थानमा उक्लिएको छ । बुधबार राति भएको खेलमा रियल ६–१ को विशाल अन्तरले विजयी बनेको हो ।

    आफ्नो घरेलु मैदानमा रियलले खेलको तेस्रो मिनेटमा करिम बेन्जेमाको गोलको मद्दतले अग्रता लिएको थियो । २४ औँ मिनेटमा असेन्सियोले रियलको अग्रता दोब्बर बनाए । तर लगत्तै लि काङले मायोर्काका लागि एक गोल फर्काए । चार मिनेट पछि असेन्सियोले रियललाई पुनः दुई गोलको अग्रता दिलाए ।

    दोस्रो हाफको सुरुवातमा नै उनले गोल गर्दै आफ्नो ह्याट्रिक पुरा गरे । त्यसपछि बेन्जेमा र इस्कोले गोल थप्दै रियलको आधा दर्जन गोल पुरा गरे । बेन्जेमाले यो सिजन ८ गोल गर्नुका साथै ७ वटा गोलको अवसर सिर्जना गरिसकेका छन् ।

    मंगलबार गेटाफेलाई हराउँदै एथ्लेटिको म्याड्रिड लिगको शीर्ष स्थानमा उक्लिएको थियो । आजको जीतपछि रियलले आफ्नो चीर प्रतिद्वन्द्वीलाई उछिनेको छ । ६ खेलपछि रियलको १६ अंक रहेको छ भने एथ्लेटिकोको १४ अंक रहेको छ ।

    बुधबार राति भएका अन्य खेलमा तेस्रो स्थानमा रहेको सेभियाले चौथो स्थानमा रहेको भ्यालेन्सियालाई ३–१ गोलले हरायो । त्यस्तै, भिल्लेरियालले इल्चेलाई ४–१ ले पराजित गर्यो ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ