• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    सुटिङ गर्दा गर्दै सेटमै ढले हास्य कलाकार केसी, त्यसपछि सबैलाई स्तब्ध बनाएर अस्ताए

    1.5K
    SHARES


    काठमाडौँ । हास्य कलाकार रमेश केसी ‘मट्टारे’को ६९ वर्षको उमेरमा निधन भएको छ । सुटिङको क्रममै निधन भएका उनको आइतबार नै पशुपति आर्याघाटमा अन्त्येष्टि गरिएको कलाकार संघका अध्यक्ष रवीन्द्र खड्काले जानकारी दिए ।

    ‘हर्के हवलदारले बनाउन लागेको एउटा गीतको सुटिङका लागि उहाँ काभ्रेस्थली भन्ने ठाउँमा आफै मोटरसाइकल चलाएर पुग्नुभएको रहेछ । एकछिन बसेर विष्णु सापकोटा ‘हर्के’सँग बातचित पनि गर्नुभएछ । त्यसपछि सुटिङसेटमै बेहोस् हुनुभयो । अस्पताल लैजानुअघि नै उहाँको निधन भइसकेको रहेछ,’रवीन्द्रले भने । ‘मट्टारे’ लामो समयदेखि मुटुका बिरामी थिए । उनको परिवारमा श्रीमती, दुई छोरा र एक छोरी छन् ।

    अधिकांश कलाकारले ‘मट्टारे’को निधनसँगै सामाजिक सञ्जाल फेसबुकमा श्रद्धाञ्जली दिएका छन् । कलाकार उत्तम केसीले फेसबुकमा लेखेका छन्, ‘वरिष्ठ कलाकर्मी रमेश केसी ‘मट्टारे’ज्यूले यो संसार त्याग्नु भएको दुखद् खबरले मर्माहत तुल्याएको छ । भावपूर्ण श्रद्धाञ्जली अर्पण गर्दै उहाँको आत्माको चिरशान्तिको कामना गर्दछु । अभिनय कर्म गरिरहेकै अवस्थामा उहाँको दुखद् निधन भएको हो ।’

    कलाकार गोपाल ढकाल ‘छन्दे’ले फेसबुकमा लेखेका छन्, ‘हार्दिक श्रद्धाञ्जली रमेश दाइ । आफ्नो जीवनको धेरै समय कलाकारितामा बिताउनु भएको, विशेषगरी हास्यव्यंग्य विधामा चर्चित नाम, मिलनसार व्यक्तित्व रमेश केसी ‘मट्टारे’ दाइको असामयिक निधनले स्तब्ध बनायो । स्वर्गमा बास होस् दाइ ।’

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया