• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय समाचार

    १३ वर्षअघि बाइडेनलाई बचाउने यी अफगानी नागरिकको गुहार- मिस्टर प्रेसिडेन्ट, मलाई…

    1K
    SHARES


    आज अमेरिकाका राष्ट्रपतिको पदमा आसिन जो बाइडेनले सायद १३ वर्ष पुरानो कुरा बिर्सिएका थिए । तर एक अफगान नागरिकले उनलाई सन् २००८ मा भएको त्यो घटनाबारे याद दिलाएर उनीसँग मद्दत मागिरहेका छन् ।

    त्यतिबेला जो बाइडेन सांसद थिए र अफगानिस्तानको भ्रमणमा गएका थिए । उनीसँग दुई अन्य सांसद पनि थिए । हेलिकोप्टर एक दुर्गम स्थानमा आएको हिम आँधीमा फसेको थियो ।

    सबैको ज्यान जोखिममा थियो । त्यतिबेला उनीहरुको उद्धार गर्न गएको समूहमा मोहम्मद नामका एक दोभाषे पनि थिए । उनी सन् २००८ मा अमेरिकी सैनिकका दोभाषे थिए ।

    आज मोहम्मद काबुलमा परिवारसमेत फसेका छन् । बाइडेन आज राष्ट्रपति हुन् । ‘द वाल स्ट्रीट जर्नल’ लाई दिएको अन्तरवार्तामा मोहम्मद बारम्बार भनिरहेका छन्, ‘हेलो मिस्टर प्रेसिडेन्ट, मलाई र मेरो परिवारलाई बचाउनुहोस् । मलाई यहाँ छोडेर नजानुहोस् ।’

    बाइडेन त्यतिबेला डेलावेयरका सांसद थिए । उनीसँग तत्कालीन सिनेटर जोन केरी र चक हेगल पनि अफगानिस्तान गएका थिए । बगराम एयरबेसभन्दा करिब ३० माइल टाढा भयंकर हिम आँधी आयो जसमा ब्ल्याक हक हेलिकोप्टर फस्यो ।

    यसकारण हेलिकोप्टर आपतकालीन अवतरण गर्नुपरेको थियो । मोहम्मद त्यो समूहको हिस्सा थियो जसलाई बगरामबाट मद्दतका लागि पठाइएको थियो । उक्त समूह जो बाइडेन भएको स्थानसम्म पुग्नका लागि भयंकर बर्फबारीबीच पहाडी बाटो हुँदै घण्टौं ड्राइभ गर्नुपरेको थियो । मोहम्मद त्यतिबेला अमेरिकी सेनाका लागि काम गर्दथे ।

    अमेरिकी सेनाका अधिकारीले दिए मोहम्मदलाई साथः

    रिपोर्टका अनुसार मोहम्मद र उनका चार सन्तान यतिबेला तालिबानसँग लुकेर बस्छन् । उनी थुप्रै वर्षदेखि अफगानिस्तान छोड्ने कोसिसमा थिए तर विभिन्न परिबन्धमा उल्झिए । मोहम्मदले वाल स्ट्रिट जर्नलसँग भने, ‘म आफ्नो घरबाट निस्कन सक्दिनँ । म असाध्यै डराएको छु ।’

    रिपोर्टका अनुसार अमेरिकी सेनाका थुप्रै अधिकारीले मोहम्मदको समर्थनमा आवाज उठाए । मोहम्मद भिसा निवेदनमाथि ले. कर्नल एन्ड्रयू र टिल्लको टिप्पणी छ । यसका साथै दिग्गज अधिकारी शन ओ’ब्रायनले लेखेका छन्, ‘यदि तपाईंले एकजना मात्रै अफगानी नागरिकको मद्दत गर्न सक्नुहुन्छ भने मोहम्मद रोज्नुहोस् ।’

    ह्वाइट हाउसकी प्रेस सचिव जेन साकीले मंगलबार ती दोभाषेलाई सेवाका लागि धन्यवाद दिएकी छिन् । अमेरिका अफगानबाट निस्कन चाहने नागरिकलाई उद्धार गर्न प्रतिबद्ध रहेको कुरा उनले दोहोराइन् । ‘हामी तपाईंलाई निकाल्छौं । हामी तपाईंको सेवालाई सम्मान गर्नेछौं ।’

    “Mr. President…Don’t forget me here.” An Afghan interpreter who 13 years ago helped rescue Joe Biden was left behind Monday when the U.S. ended its military campaign in Afghanistan. https://t.co/tyL5Tn7aG0

    — The Wall Street Journal (@WSJ) September 1, 2021

    <script>

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया