• News Portal

    • आज :

    ताजा शिर्षकहरु

    चर्चित शिर्षकहरु

    कृषि विजनेश विशेष

    नेकपा काठमाडौं महानगरले गर्यो धान रोपाई, स्थानीय खुसी

    560
    SHARES

    काठमाडौँ । नेपाल कम्युनिस्ट पार्टी काठमाडौँ जिल्ला समिति अन्तरगत काठमाडौँ महानगर समितिले धान रोपाइँ सम्पन्न गरेको छ । आर्थिक अभाव र श्रमशक्ति नभएकाहरुलाई सहयोग गर्दै आएका नेकपाका नेता कार्यकर्ताले एकल महिलाको खेतबारी रोपाइँ गरेका हुन् ।

    एकल महिला भगवती कोइरालाको घरमा श्रमशक्ति नभएको र आर्थिक अभावका कारण समयमै धान रोपाइँ हुन नसकेको जानकारी पाएपछि नेकपाका नेता कार्यकर्ताहरुले दुई दिन लागेर रोपाइँ गरिदिएका छन् ।

    असार २५ र २६ गते काठमाडाँै महानगर कमिटी इन्चार्ज अबिरलको नेतृत्वमा कोइरालाको सम्पूर्ण खेतबारी रोपाइँ गरिएको नेकपाले जनाएको छ । महानगर इन्चार्ज अबिरलले कोइरालाको खेत बाँझो रहेको जानकारी पाएपछि आफूहरुले सहयोग गरेको बताए ।

    “भवगती कोइराला एकल महिला हुनुहुँदो रहेछ । उहाँको आर्थिक अभावसँगै घरमा काम गर्ने कोही रैनछन् । आफ्न्त र छिमेकीले रोपाइँ गरेपनि उहाँको खेत बाँझो रहेको हाम्रो कमिटीमा जानकारी आएपछि हामीले दुई दिन लगाएर खन्ने र रोप्ने काम गरेका छौँ” खेतका आली लगाइरहेका अबिरलले भने । जनता र श्रमसँग जोडिन पार्टीको नीतिका कारण आफूहरु रोपाइँ गरेको उनले बताए ।

    श्रमसँग नजोडिएकैले नेपालमा कम्युनिस्ट आन्दोलनमा वर्ग उत्थान भएको र जनतासँग कटेकैले माओवादी आन्दोलन धरासयी भएको आफ्नो पार्टीले निष्कर्ष निलेको भन्दै इन्चार्ज अबिरलले पार्टी महासचिवदेखि सबै नेता कार्यकर्ता श्रमसँग जोडिएको बताए । उनले भवगतीसँगै छिमकीको खेतमा पनि सहयोग गरेको जानकारी दिए । रोपाइँमा स्थानीयको पनि सहभागिता रहेको थियो ।

    रोपाइँमा काठमाडौँ महानगरसँगै चन्द्रगिरी कमिटीको पनि सहभागिता रहेको थियो । अहिले देशभर नेकपा नेता कार्यकर्ता श्रमशक्ति नभएकाहरुलाई सहयोग गर्नुको साथै पार्टीलाई आन्मनिर्भर बनाउन बाँझो जमिनमा धान रोपाइँ गरिरहेका छन् ।

     

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +


    प्रतिक्रिया

    आजको ट्रेन्डिङ