• News Portal

    • आज :

    ताजा शिर्षकहरु

    चर्चित शिर्षकहरु

    राजनीति विशेष

    तीन बुँदे सहमतिमा सरकार इमान्दार नभए आँधिवेहरी आउन सक्छ- माइला लामा

    2.3K
    SHARES

    काठमाडौँ । नेपाल कम्युनिस्ट पार्टीका केन्द्रीय सदस्य माइला लामाले सरकार आफ्नो पार्टीसँग भएको तीन बुँदे सहमतिप्रति इमान्दार नभए आँधिबेहरी आउन सक्ने बताएका छन् । उनले सरकारले सहमति कार्यान्वयन नगरेका कारण आफ्नो पार्टीका नेता कार्यकर्ता जेलमै रहेको बताए ।

    ‘सरकार इमान्दार भएन भने, नेपालका राजनीतिक जनताका समस्या समाधानतिर अग्रसर भएन भने आँधिबेहरी आउन सक्छ’ उनले भने,-‘वर्तमान व्यवस्थाप्रति जनता सन्तुष्ट छैनन्, सरकार र राजनीतिक पार्टी जनताप्रति जिम्मेवार बन्नु पर्छ ।’

    बुधबार नेकपा निकट अखिल क्रान्तिकारीले आयोजना गरेको स्वागत तथा सम्मान कार्यक्रममा बोल्दै लामाले आफ्नो पार्टीले अहिले देखिएका समस्याको हल गर्ने अधिकार जनतालाई दिन आफ्नो पार्टीले प्रगतिशिल सरकार, जनतमत संग्रह र वैज्ञानिक समाजवाद अगाडि सारेको बताए ।

    नेकपा काठमाडौँ जिल्ला इन्चार्ज समेत रहेका लामाले फरक विचारकै कारण आफूलाई गिरफ्तार गरेर झुटा मुद्धामा २२ महिना हिरासत र जेलमा राखिएको बताए । उनले जेल जीवनलाई सिर्जनात्मक कार्यमा लगाउँदा समय अपुग हुने गरेको अनुभूती सुनाए । लामाले  पार्टी बम, बारुदलाई जितेर आएकाहरुको पार्टी भएकोले जनताको लागि बलिदान गर्न तयार भएको बताए ।

    कार्यक्रममा नेकपाका केन्द्रीय सदस्य तथा अखिल क्रान्तिकारीका पूर्वअध्यक्ष शरद रसाइलीले अनलाइन शिक्षाका नाममा शैक्षिक संस्थाहरुले बदमासी गरेको बताए । उनले अनलाइन शिक्षाका नाममा अभिभावकलाई खेतबारी बेच्न बाध्य हुने अवस्था सिर्जना गरेको बताए ।

    त्रिभुवन विश्वविद्यालयले उच्च शिक्षालाई जनताका छोराछोरीको पहुँचभन्दा टाढा पुर्याएको बताउँदै रसाइलीले त्यसविरुद्ध विद्यार्थीहरुले आन्दोलन गर्नुपर्ने बताए । विद्यार्थी आन्दोलनको केन्द्र काठमाडौँ भएकोले बताउँदै रसाइलीले शैक्षिक माफियाविरुद्ध अब फेरि आन्दोलन उत्रिनु पर्ने बताए ।

    कार्यक्रमको अध्यक्षता अखिल क्रान्तिकारीका अध्यक्ष गोविन्द विष्टले गरेका थिए भने संचालन हस्त बिकले गरेका थिए । नेता लामाको स्वागतसंगै कार्यक्रममा काठमाडाैंका निवर्तमान इन्चार्ज समेत रहेका नेता रसाइलीको बिदाई पनि गरिएको थियो ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +


    प्रतिक्रिया

    आजको ट्रेन्डिङ