• News Portal

    • आज :

    ताजा शिर्षकहरु

    चर्चित शिर्षकहरु

    राजनीति विशेष

    पार्टी फुटको समाचार बाहिरिएपछि विप्लवको सचिवालयले मुख खोल्यो, हेर्नुहोस बिज्ञप्तिसहित

    5.7K
    SHARES

    काठमाडौँ । पार्टी फुटेको समाचार बाहिरिएपछि नेपाल कम्युनिस्ट पार्टीले मुख खोलेको छ । शनिबार प्रेस नोट जारी गर्दै केन्द्रीय कार्यालयले सरकारले पार्टीमाथि प्रतिबन्ध लगाएको समयमा नै पार्टीबाट स्वतन्त्र भएको वक्तव्य दिएका कृष्ण धमलाद्वारा निर्माण गरिएको मञ्चलाई पार्टी–फुट भन्न र मान्न नसकिने जनाएको छ ।

    केन्द्रीय कार्यालयका तर्फबाट असलले जारी गरेको प्रेस नोटमा उक्त प्रचार दलाल पुँजीवादी र संसद्‌वादीहरूलाई फाइदा पुग्ने गरी गरिएको भ्रामक प्रचार मात्र रहेको प्रस्ट पारिएको छ ।

    प्रेस नोटमा भनिएको छ, ‘प्रतिबन्धको समयमा नै पार्टीबाट स्वतन्त्र भएको वक्तव्य दिएका श्री कृष्ण धमलाद्वारा निर्माण गरिएको मञ्चलाई पार्टी फुटको संज्ञा दिइएको छ । उक्त कुरालाई पार्टी–फुट भन्न र मान्न सकिँदैन । यो दलाल पुँजीवादी र संसद्‌वादीहरूलाई फाइदा पुग्ने गरी गरिएको भ्रामक प्रचार मात्र हो ।’

    समाजवाद र क्रान्तिका पक्षमा मञ्चबाट योगदान गर्ने सोचाइ आन्दोलनका लागि सकारात्मक नै हुने भन्दै उनले सानातिना मनमुटावहरू छोडेर महान् एकीकृत जनक्रान्तिको अभियानमा ध्रुवीकृत हुन सबैमा अपिल गरेका छन् ।

    प्रेस नोटमा अगाडि भनिएको छ, ‘समाजवाद र क्रान्तिका पक्षमा मञ्चबाट योगदान गर्ने जुन सोचाइ अगाडि सारिएको छ, त्यो कुरा आन्दोलनका लागि सकारात्मक नै हुनेछ । सानातिना मनमुटावहरू छोडेर महान् एकीकृत जनक्रान्तिको अभियानमा ध्रुवीकृत हुन हाम्रो पार्टी सबैमा अपिल गर्दछ ।’

    यसैबीच नेपाल कम्युनिस्ट पार्टीका महासचिव विप्लवले उन्नत मानवजीवनका लागि श्रम र विद्रोह श्रमिक वर्गका बाध्यता र अधिकार रहेको बताएका छन् । १३२ औँ श्रमिक दिवसका अवसरमा शुभकामना वक्तव्य जारी गर्दै उनले श्रमिकहरू केवल उत्पादनका औजार नभएर समृद्धिका स्रोत रहेको र जीवन र समाजलाई परिवर्तन गर्ने जिम्मेवारी आउँदा मजदुरहरूले श्रमसँगै विद्रोह गर्ने र नयाँ समाजको निर्माण गर्ने अग्रगामी भूमिका पूरा गर्नैपर्ने उल्लेख गरेका छन् ।

    ‘आज आफ्नो अमूल्य श्रमद्वारा संसारलाई आधुनिक सभ्यता प्रदान गर्ने श्रमिक वर्गको गौरवपूर्ण श्रमिक दिवस १ मई हो । सर्वप्रथम यस सुखद अवसरमा संसारभरका श्रमिक वर्गप्रति हार्दिक शुभकामना प्रकट गर्दछौँ । श्रमिक वर्गको सारा उत्पादनलाई राज्यको बल प्रयोग गरेर आफ्नो खल्तीमा भर्ने पुँजीवादी लुटका विरुद्ध बलिदानीपूर्ण विद्रोह गरेर मात्र आजका श्रमिकहरूले मानवजीवन जिउने अवसर प्राप्त गरेका हुन् । परन्तु आज पनि संसारमा विशेषगरी नेपालजस्ता देशमा श्रमिक वर्गको जीवन आधारभूत आवश्यकता गाँस, बास, शिक्षा, स्वास्थ्य, रोजगारजस्ता समस्याहरूको चाङभित्र छट्पटाइरहेको छ । एकाधिकारवादी निगम पुँजीवादी एवम् दलाल पुँजीवादीहरूले असीमित शोषण गरिरहेका छन् ।’ वक्तव्यमा भनिएको छ ।

    उन्नत मानवजीवनका लागि श्रम र विद्रोह श्रमिक वर्गका बाध्यता र अधिकार भएको भन्दै उनले श्रमिकहरू केवल उत्पादनका औजार मात्रै नभएर समृद्धिका स्रोत पनि भएको बताएका छन् । साथै जीवन र समाजलाई परिवर्तन गर्ने जिम्मेवारी आउँदा मजदुरहरूले श्रमसँगै विद्रोह गर्ने र नयाँ समाजको निर्माण गर्ने अग्रगामी भूमिका पूरा गर्नैपर्ने समेत उल्लेख गरेका छन् ।

    ‘उन्नत मानवजीवनका लागि श्रम र विद्रोह श्रमिक वर्गका बाध्यता र अधिकार हुन् । श्रमिकहरू केवल उत्पादनका औजार होइनन्, समृद्धिका स्रोत हुन् । जीवन र समाजलाई परिवर्तन गर्ने जिम्मेवारी आउँदा मजदुरहरूले श्रमसँगै विद्रोह गर्ने र नयाँ समाजको निर्माण गर्ने अग्रगामी भूमिका पूरा गर्नै पर्दछ । नेपाल ऐतिहासिक रूपान्तरणको सम्भावनाबाट अघि बढिरहेको छ । यहाँको दलाल पुँजीवादी सत्ता र संसदीय व्यवस्था व्यवहारमा पनि असफल भइरहेको छ तर यसले आफ्नो सङ्कट टार्न साम्राज्यवादी शक्तिहरूको निर्देशनमा अनेकौँ जालझेल गर्दैछ । नेपालका मजदुर, किसान र आमश्रमिकहरूले बुझ्नैपर्छ– आवश्यकता आमूल परिवर्तन र वैज्ञानिक समाजवादको छ । यसका लागि हाम्रो पार्टीले संसदीय सरकारको ठाउँमा आम प्रगतिशील, वामपन्थी, देशभक्त, प्रगतिशील लोकतन्त्रवादी, कम्युनिस्टहरूको राजनीतिक समीक्षा सभा, प्रगतिशील संयुक्त सरकार र दलाल पुँजीवादी सत्ताको ठाउँमा जनमतसङ्ग्रहद्वारा वैज्ञानिक समाजवादी सत्ताको विकल्प पेस गरेको छ ।’ महासचिवद्वारा जारी वक्तव्यमा भनिएको छ ।

    महासचिव विप्लवले विश्वभर पैदा भएको पुँजीवादी सङ्कटले मानव जातिको उन्नत जीवनका लागि वैज्ञानिक समाजवादबाहेक अर्को कुनै विकल्प नरहेको प्रष्ट पारेको तर्क गरेका छन् । नेपालमा यसको उचित परिस्थिति बनेको भन्दै उनले सारा मजदुर किसान एवम् श्रमिकहरूलाई राष्ट्र परिवर्तन गर्ने यो ऐतिहासिक जिम्मेवारी बहन गर्न क्रान्तिकारी पूर्वजहरूको पदचापमा एकताबद्ध भएर निर्भीकतापूर्वक अगाडि बढ्न आव्हान गरेका छन् ।

    ‘विश्वभर पैदा भएको पुँजीवादी सङ्कटले साबित गर्छ– मानव जातिको उन्नत जीवनका लागि वैज्ञानिक समाजवादबाहेक अर्को कुनै विकल्प छैन । नेपालमा यसको उचित परिस्थिति बनेको छ । सारा मजदुर किसान एवम् श्रमिक साथीहरू आउनुस्, राष्ट्र परिवर्तन गर्ने यो ऐतिहासिक जिम्मेवारी बहन गर्न क्रान्तिकारी पूर्वजहरूको पदचापमा एकताबद्ध भएर निर्भीकतापूर्वक अगाडि बढौँ । श्रमिक वर्गको संसारलाई कसैले रोक्न सक्नेछैन ।’ उनले भनेका छन् ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ