• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय समाचार

    कतारमा ३५ वर्ष माथिकालाई कोरोनाविरुद्धको खोप लगाउदैँ

    145
    SHARES

    कतारमा ३५ वर्ष माथिकाले कोरोना बिरुद्धको खोप लगाउन पाउने भएका छन् । कतारको स्वास्थ्य मन्त्रालयले कोभिड–१९ विरुद्धको खोप लगाउन पाउने उमेर घटाएको ३५ वर्ष पुर्‍याएको हो ।

    यसअघि कतारले ४० वर्ष माथिकाले मात्र लगाउन पाउने खोप अब ३५ वर्ष माथिको उमेर समूहकाले निःशुल्क लगाउन पाउने मन्त्रालयले जनाएको छ ।

    फाराम भरेका व्यक्तिहरूले एसएमएस वा फोन मार्फत सम्पर्क गरी नजिकैको स्वास्थ्य केन्द्रमा खोप लगाउन पाउने राष्ट्रिय स्वास्थ्य समूहका अध्यक्ष तथा हमाद मेडिकल कर्पोरेशनका संक्रामक रोग प्रमुख डा. अब्दुल्लातिफ अल खलले जानकारी दिए ।

    ‘मार्चदेखि नै खोपको संख्या झन्डै दोब्बर गरिसकेका छौं र विगत सात दिनमा मात्र हामीले ३५ भन्दा बढी खोप केन्द्रहरूमा १ लाख ६० हजार भन्दा बढी डोज खोप दिइसकेका छौँ,’ डा. अल खललाई उद्धृत गर्दै यहाँबाट प्रकाशन जनाएको छ । ३५ वर्ष उमेर पुगेकाहरुले स्वास्थ्य मन्त्रालयको वेबसाइटमा गएर खोपका लागि आफ्नो नाम दर्ता गराउन समेत उनले आग्रह गरेका छन् ।

    कोरोनाबाट थप ९ जनाको मृत्यु

    कोरोना संक्रमणबाट कतारमा थप ९ जनाको मृत्यु भएको छ । स्वास्थ्य मन्त्रालयका अनुसार ४४, ४५, ५३, ५९, ६०, ६५, ७०, ७६ र ८३ बर्षीय नागरिकको मृत्यु भएको जनाएको छ । योसंगै कतारमा कोरोना संक्रमणबाट मृत्यु हुनेको सङ्ख्या ३७६ पुगेको छ ।

    पछिल्लो २४ घण्टा ८२७ जनालाई कोरोना संक्रमण पुष्टी भएको छ भने ६५९ जनालाई निको भएको मन्त्रालयले जनाएको छ । कतारमा कोरोना संक्रमितको संख्या १ लाख ९५ हजार ७५७ जना पुगेको छ । उपचारपछि निको हुनेको संख्या १ लाख ७३ हजार २५७ रहेको मन्त्रालयले जनाएको छ ।

    कतारमा अहिले २२ हजार १२४ वटा ‘एक्टिभ’ केस रहेका छन् । तीमध्ये ४६९ जनाको आईसीयूमा उपचार भैरहेको छ । यो समाचार तयार पार्दासम्म १२ लाख २५ हजार ११० जनाले कोरोनाविरुद्धको खोप लगाईसकेको मन्त्रालयले जनाएको छ ।

    कतारले नेपालीसहित आप्रवासी कामदारलाई निशुल्क रुपमा खोप उपलब्ध गराईरहेको छ । पछिल्लो समय सरकारी कार्यालय, सरकारी स्कुल लगायतका ठाउँमा काम गर्ने सबै नेपालीहरुले खोप लगाईसकेका छन् l

    ३६२ जनालाई कारबाही

    कोभिड–१९ सम्बन्धि सरकारले जारी गरेको सावधानीका उपायहरू उल्लंघन गर्ने ३६२ जनालाई कारबाही गरिएको जनाएको छ । आन्तरिक मन्त्रालयका अनुसार २८२ जनालाई सार्वजनिक रूपमा मास्क नलगाएकोमा, ४ जनालाई मोबाइलमा एहतेराज एप्स प्रयोग नगरेकोमा, ७३ जनालाई सामाजिक दूरी कायम नगरेकोमा र बाँकी ३ जनालाई गाडीमा तोकिएको भन्दा बढी सङ्ख्या राखेकोमा कारबाही गरिएको जनाएको छ ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ