• News Portal

    • आज :

    ताजा शिर्षकहरु

    चर्चित शिर्षकहरु

    Highlights राजनीति विशेष

    आफुबिरुद्ध भ्रामक समाचार फैलिएपछि विप्लवको सचिवालयले मुख खोल्यो, हेर्नुहोस बिज्ञप्तिसहित

    6.2K
    SHARES

    काठमाडौँ । नेपालका केही सञ्चारमाध्यमले भ्रामक समाचार प्रकाशन गर्न थालेपछि नेपाल कम्युनिष्ट पार्टीका महासचिव नेत्रविक्रम चन्द ‘विप्लव’को सचिवालयले त्यसको खण्डन गरेको छ ।

    महासविच विप्लवको सचिवालयका तर्फबाट असलले शनिबार एक प्रेस नोट जारी गर्दै चैत २७ गते केही सञ्चारमाध्यममा प्रकाशित समाचारले भ्रम उत्पन्न गरेकोले यस्ता समाचारमा सत्यता नभएको बताएका छन् ।

    हाम्रो पार्टी र महासचिव कमरेड विप्लव पार्टीको राजनीतिक सङ्गठनात्मक काममा व्यस्त रहेको कुरा पनि जानकारी गराउँछौँ । नेपाल सरकार र नेपाल कम्युनिस्ट पार्टीबीच गत फागुन २१ गते भएको सहमतिलाई भाँड्ने प्रवृत्तिद्वारा प्रेरित प्रचारबाजी मात्र भएको स्पष्ट गर्दछौँ । साथै यस्ता अनुचित प्रचारबाजी बन्द गर्न पनि अनुरोध गर्दछौँ । हाम्रो पार्टी ३ बुँदे सहमतिप्रति पूर्ण प्रतिबद्ध रहेको यहि प्रेस नोटमार्फत अवगत गराउँछौँ ।’ असलले प्रेस नोटमा भनेका छन् ‘

    आफ्नो पार्टी र महासचिव विप्लव राजनीतिक तथा साङ्गठनिक काममा व्यस्त रहेको भन्दै प्रेस नोटमार्फत असलले अनुचित प्रचारबाजी नगर्न सम्बधित सबै पक्षलाई आग्रह गरेका छन् । सरकार र आफ्नो पार्टीबीच गत फागुन २१ मा भएको सहमति मन नपराउने तत्वहरूले उक्त सहमति भाँड्न यस्तो प्रचारबाजी गरेको पनि असलको प्रेस नोटमा उल्लेख छ ।

    केही सञ्चारमाध्यमले ‘गुमनाम विप्लव’ भन्ने भ्रमपूर्ण समाचार प्रकाशित गरेपछि आम मानिसमा पर्न गएको भ्रम चिर्न विप्लवको सचिवालयले शनिबार प्रेस नोट जारी गरेर यसको खण्डन गरेको हो । फागुन २१ मा सरकारसँग भएको ३ बुँदे सहमति पछि नेकपा आफ्नो खुल्ला राजनीतिक गतिविधिमा व्यस्त रहेको छ ।

    अहिले नेकपाका जनवर्गीय सङ्गठन देशैभरि भेला, सम्मेलन, सङ्गठन गठन, पुनर्गठन, प्रशिक्षण तथा दिवसहरु अभियानकै रुपमा मनारहेका छन् । नेकपा निकट अखिल नेपाल महिला सङ्घ(क्रान्तिकारी), अखिल नेपाल क्रान्तिकारी किसान महासङ्घ, ट्रेड युनियन अन्तर्गतका विभिन्न सङ्घ सङ्गठनका राष्ट्रिय भेला सम्मेलन सम्पन्न भैसकेका छन् भने विद्यार्थी युवा लगायत सङ्गठनले राष्ट्रिय सम्मेलनको व्यापक तयारी गरिहेका छन् ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ