• News Portal

    • आज :

    ताजा शिर्षकहरु

    चर्चित शिर्षकहरु

    विजनेश समाचार

    नेप्से अहिलेसम्मकै उच्च विन्दुमा

    156
    SHARES

    काठमाडौं । सेयर बजार नेप्से परिसूचक अहिलेसम्मकै उच्च विन्दुमा पुगेको छ । साताको पहिलो दिन आइतबार नेप्से २५.७१ अंकले वृद्धि भई २६५७.६१ विन्दुमा पुगेर रोकियो ।

    आइतबार नेप्से परिसूचक वृद्धि हुँदा बैंक, विकास बैंक, जलविद्युत्, वित्त, निर्जीवन बीमा, जीवन बीमा, माइक्रोफाइनान्स र अन्य समूहका परिसूचक वृद्धि भयो । होटेल र पर्यटन, व्यापार, निर्माण तथा उत्पादन, म्यूचल फण्ड र लगानी समूहका लगानीकर्ताले भने आज गुमाएका छन् । यसअघि नेप्से परिसूचक ९ फागुनमा २६४०.३५ विन्दुसम्म पुगेर रोकिएको थियो । आज कारोबार रकममा समेत उल्लेख्य वृद्धि देखिएको छ । आज ९ अर्ब ६८ लाख रुपैयाँ बराबरको सेयर कारोबार भएको छ । कुल १ करोड ८१ लाख ७३ हजार ३ सय ७८ कित्ता कारोबार भएको छ ।

    आइतबार कुल सात वटा कम्पनीको सर्किट विन्दुमा कारोबार भएको छ । वामी माइक्रोफाइनान्स वित्तीय संस्था, जनरल इन्स्योरेन्स कम्पनी लिमिटेड, राधी विद्युत कम्पनी, आईएमई जनरल इन्स्योरेन्स, एनआईसी एसिया लघुवित्त वित्तीय संस्था, सानिमा जनरल इन्स्योरेन्स र सान्जेन जलविद्युत् कम्पनीका लगानीकर्ताले सबैभन्दा बढी कमाए ।

    साल्ट ट्रेडिङ कोअपरेशन, सर्पोट माइक्रोफाइनान्स, हाइड्रोइलेक्ट्रिसिटी इन्भेष्टमेन्ट र विकास कम्पनी, स्वाभिमान लघुवित्त वित्तीय संस्था र अजोड इन्स्योरेन्सका लगानीकर्ताले भने बढी गुमाएका छन् । बढी कारोबार हुने संस्थामा आज नेपाल इन्फ्रास्टक्चर बैंक, माथिल्लो तामाकोशी, नेपाल रिइन्स्योरेन्स कम्पनी, नविल बैंक र प्रुडेन्सियल इन्स्योरेन्स रहन सफल भए ।

    यस्तै नेपाली बजारमा आज सुनको मूल्य स्थिर रहेको छ । साताको पहिलो दिन आज आइतबार ‍पनि छापावाला सुन प्रतितोला ८७ हजार ४०० रूपैयाँमा नै कारोबार भइरहेको नेपाल सुनचाँदी व्यवसायी महासंघले जनाएको छ ।

    यस्तै तेजाबी सुन आज ८६ हजार ९५० रूपैयाँमा कारोबार भइरहेको महासङ्घले जनाएको छ । चाँदीको मूल्य पनि आज १२४० रूपैयाँमा कारोबार भइरहेको महासंघले जनाएको छ ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया