• News Portal

    • आज :

    ताजा शिर्षकहरु

    चर्चित शिर्षकहरु

    Highlights अन्तराष्ट्रिय

    म्यानमारमा चिनियां लगानीको व्यवसायमाथि आ’क्र’मण, एकैदिन ३८ प्रदर्शनकारी मा’रिए

    1.1K
    SHARES

    काठमाडौं । म्यानमारमा सेनाविरुद्धको प्रदर्शनको क्रममा प्रहरीले चलाएको गोली लागी ३८ प्रदर्शनकारीको मृत्यु भएको छ । म्यानमारमा सेनाले कू गरेपछि आइतबार एकैदिन सबैभन्दा धेरै प्रदर्शनकारीको मृत्यु भएको हो ।

    आइतबार प्रदर्शनकारीहरुले चिनियाँ व्यवसायमा पनि आक्रमण गरेका थिए । चिनियाँ लगानीको व्यवसायमा आक्रमण गरेसँगै केही स्थानमा सैन्य कानुन लागू भएको घोषणा गरिएको थियो । चीनले म्यानमारको सेनालाई साथ दिएको भन्दै म्यानमारका प्रदर्शनकारी चीनप्रति आक्रामक देखिएका हुन् ।

    म्यानमार फेब्रुअरी १ देखि सेनाले प्रजातन्त्र पक्षधर नेताहरुलाई हिरासतमा लिँदै सत्ता आफ्नो हातमा लिएको थियो । सेनाले गत नोभेम्बरमा भएको निर्वाचनमा धाँधली भएको आरोप लगाउँदै सत्ता आफ्नो हातमा लिएको थियो । यद्यपि गत नोभेम्बरको निर्वाचनमा चुनिएका प्रतिनिधिहरुले भने म्यानमारमा सेनाको शासन अस्वीकार गर्दै मानिसहरुलाई सेनाबाट आफ्नो सुरक्षा आफैं गर्न आग्रह गरेका छन् ।

    आइतबार भएको आन्दोलनको क्रममा यान्गोन सहरमा मात्र २१ प्रदर्शनकारीको प्रहरीको गोली लागी मृत्यु भएको थियो । एसिस्टेन्ट एसोसिएसन फर पोलिटिकल पि्रजनर्स -एएपीपी)ले आइतबार कम्तीमा ३८ प्रदर्शनकारीको मृत्यु भएको र अन्य धेरै प्रदर्शनकारीहरु घाइते भएको बताएको छ । स्वास्थ्यकर्मीहरुले दिएको जानकारीअनुसार यान्गोनको हलियाङ थार्यार क्षेत्रमा धेरै मानिसको मृत्यु भएको थियो र यहाँ धेरै मानिसहरु प्रहरीको गोली लागी घाइते भएका छन् ।

    चीनले यो क्षेत्रमा रहेको चिनियाँ लगानीको काराखानाहरुलाई प्रदर्शनकारीहरुले लक्षित गरी आक्रमण गरिरहेको भन्दै सुरक्षा मागेपछि म्यानमारको सेनाले यो क्षेत्र र आसपासका क्षेत्रमा सैन्य कानुन लागू गरेको थियो ।

    चीनले यो क्षेत्रमा रहेका आफ्ना १० कारखानामा प्रदर्शनकारीले आगजनी गराएको बताएको छ । आगजनी गरिएका कारखानाहरुमा अधिकांश कपडा उत्पादन कारखाना थिए । त्यस्तै एक चिनियाँ होटलमा पनि आक्रमण भएको छ ।

    सामाजिक सञ्जाल फेसबुकको पेजमार्फत् चिनियाँ दूतावासले कारखानाहरु लुटिएको र तोडफोड गरिएको तथा धेरै चिनियाँ कर्मचारीहरु घाइते भएको र थुनिएको बताएको छ । चिनियाँ दूतावासले म्यानमारसँग प्रभावकारी कदम चाल्दै हिंसाको अन्त्य गर्न पनि आग्रह गरेको छ ।एजेन्सीहरुको सहयोगमा

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया