• News Portal

    • आज :

    ताजा शिर्षकहरु

    चर्चित शिर्षकहरु

    Highlights राजनीति

    विप्लवसहितका ४ दलको जनसभा आज इटहरीमा, क कसले गर्दैछन सम्बोधन ?

    2K
    SHARES

    काठमाडौँ । नेत्रविक्रम चन्द विप्लव नेतृत्वको बिद्रोही नेपाल कम्युनिस्ट पार्टीसहित चार राजनीतिक दलले निर्माण गरेको रणनीतिक संयुक्त मोर्चाले आज सुनसरीको इटहरीमा बृहत जनसभा आयोजना गरेको छ । आजको सभामा मोर्चामा आबद्ध पार्टीका शिर्ष नेताहरुले सम्बोधन गर्ने आयोजकले जानकारी दिएको छ ।

    मोर्चाले यसअघि फागुन ६ गते बुटवल र १४ गते धनगढीमा सभा सम्पन्न गरिसकेको छ । बुटवल र धनगढीको सभामा बिशाल जनमानसको सहभागिता भएको मोर्चाले सञ्चारकेन्द्रलाई जानकारी दिएको छ । आज इटहरीमा हुन लागेको जनसभामा पनि हजारौं जनताको सहभागिता रहने आयोजनाकले बताएको छ । उक्त जनसभाको नेपालको एक मात्र जनपक्षीय अनलाइन मिडिया सञ्चारकेन्द्र डटकमले प्रत्यक्ष प्रशारण गर्ने भएको छ ।

    मोर्चामा विप्लव नेतृत्वको नेपाल कम्युनिस्ट पार्टी, मोहन वैद्य नेतृत्वको नेपाल कम्युनिस्ट पार्टी (क्रान्तिकारी माओवादी), ऋषिराम कट्टेल नेतृत्वको नेपाल कम्युनिस्ट पार्टी र विश्वभक्त दुलाल (आहुति) नेतृत्वको वैज्ञानिक समाजवादी कम्युनिस्ट पार्टी रहेका छन् ।

    रणनैतिक संयुक्त मोर्चाको केन्द्रीय समितिमा सीपी गजुरेल, राम सिंह श्रीस, पवनमान श्रेष्ठ, सन्तोष बुढा, नवीनकुमार विश्वकर्मा, पूर्ण सिंह, अज मोहम्मद, ऋषिराम कट्टेल, रामदुलार महतो, राजेश वान्तवा, जागृत रायमाझी, धनकुमारी सुनार र नविन रिजाल छन् । पछि दुइ जना थपिने नेताहरुले बताएका छन् । मोर्चाको पहिलो बैठकले अध्यक्ष र सचिव चयन गर्नेछ । साथै प्रदेश, जिल्ला र आवश्यकताअनुसार स्थानीय तहहरुमा समेत मोर्चाको समिति गठन गरिने छ ।

    नेपालमा जनवादी राज्यसत्ता स्थापना हुँदै बैज्ञानिक समाजवाद स्थापना लिने लक्ष राखेको मोर्चाले पार्टी एकता गरेर अगाडी बढ्ने अधिकतम लक्ष राखेको छ । मोर्चाले हाल केपी ओली नेतृत्वको सरकारले विप्लव नेतृत्वको नेकपामाथि लगाएको राजनीतिक प्रतिबन्ध फुकुवा गरि खुला राजनीतिक गर्ने बाताबरण बनाउन माग गर्दै आइरहेको छ ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ