• News Portal

    • आज :

    ताजा शिर्षकहरु

    चर्चित शिर्षकहरु

    Highlights राजनीति

    ‘देउवा र पौडेलले मिले संसद पुनर्स्थापना गरेर ६ महिनामै चुनाव’

    123
    SHARES

    काठमाडौं । नेपाली कांग्रेसका नेता मिनेन्द्र रिजालले पार्टी सभापति शेरबहादुर देउवा र वरिष्ठ नेता रामचन्द्र पौडेल एक ठाउँमा उभिए संसद पुनर्स्थापना भएर संविधान पनि जोगिने र ६ महिनाभित्र चुनाव पनि हुनसक्ने बताएका छन् ।

    ५ पुसमा भएको प्रतिनिधिसभा विघटनलाई कांग्रेसले असंवैधनिक र अलोकतान्त्रिक कदम भनेको छ । तर सभापति देउवा चुनावको पक्षमा देखिएका छन् भने वरिष्ठ नेता पौडेलले संसद पुनर्स्थापना हुनुपर्ने मत राख्दै आएका छन् ।

    सोमबार पार्टीका युवा नेताहरुसँग भएको छलफलमा नेता रिजालले देश चुनावमा गइसकेको बताए । ‘संसद पुनर्स्थापना गरेर दुई वर्ष थाम्छु भन्ने मुर्खता हुन्छ’ उनले भनेका छन्, ‘चुनावका लागि जुनसुकै बाटोबाट गएपनि हुन्छ भन्नु मुर्खता हो ।’

    पहिलो संविधानसभा भंग भएपछि बाधा अड्काउ फुकाउमार्फत प्रधानन्यायाधीश खिलराज रेग्मीलाई मन्त्रिपरिषद् अध्यक्ष बनाउनु परेको चर्चा गर्दै कांग्रेस नेता रिजालले अहिले कतिपयमा त्यस्ता लोभ पनि देखिन थालेको बताए ।

    ‘वरिष्ठ नेताले भनेको ठाउँ (संसद पुनर्स्थापना) बाट सुरु गरेर सभापतिले भनेको ठाउँ (चुनाव)मा पनि पुग्न सकिन्छ’ उनले अघि भने, ‘सभापति र वरिष्ठ नेता एक ठाउँमा उभिने हो भने संसद पुनर्स्थापना गर्ने, संविधान जोगाउने, तर ६ महिनापछि चुनाव गरौं भन्यो भने कसले रोक्न सक्छ ?’

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ