• News Portal

    • आज :

    ताजा शिर्षकहरु

    चर्चित शिर्षकहरु

    प्रवास

    ५५ लाख रुपैयाँ लगानीमा कुवेतमा खुल्यो नेपाली म:म हाउस

    893
    SHARES

    फर्वानिया । वैदेशिक रोजगारीको सिलसिलामा कुवेत पुगेका नेपाली युवाहरुले कुवेतको फर्वानियास्थित अल अरबेत प्लाजाको ग्रान्ड हाइपर मार्केट भित्र नेपाली म:म हाउस नामक रेस्टुरेन्ट सञ्चालन गरेका छन् ।

    विगत लामो समयदेखि कुवेतमा रहेर थुप्रै व्यावसायिक अनुभव बटुलिसकेका तीन नेपाली युवा अमृत तामाङ(पोखरा), सन्तोष तामाङ(मोरङ) र सुमन लिम्बु (काठमाडौँ)को सयुक्त लगानीमा नेपाली म:म हाउस सञ्चालनमा ल्याइएको हो।

    म:म हाउसको कुवेतका लागि नेपाली राजदूत दुर्गाप्रसाद भन्डारीले दिप प्रज्वलन गर्दै रिबन तथा केक काटेर उद्घाटन गरेको सञ्चालक मध्येका एक अमृत तामाङले खबरहबलाई जानकारी दिए ।

    उद्घाटन समारोहमा एनआरएनए कुवेतका अध्यक्ष सुजन केसी, आइसीसी सदस्य अमीत चाम्लिङ राई, महासचिव दिलकुमार पाख्रीन, आदिवासी जनजाती महासंघ कुवेतका महासचिव मन्जित राई, तामाङ घेदुङ कुवेतका अध्यक्ष सुरेश ग्याबा, चितवन सेवा समाजका अध्यक्ष नवीन लोप्चनलगायत विभिन्न संघ संस्थाका प्रतिनिधिहरुको उपस्थिति थियो ।

    नेपाली ५५ लाख रुपैयाँ बढीको लागतमा नेपाली म:म हाउस सञ्चालनमा ल्याईएको सञ्चालक तामाङले बताए । नेपाली समुदायलाई लक्षित गरेर खोलिएको उक्त म:म हाउसमार्फत नेपाली स्वाद लिन चाहने सबैलाई अधिकतम सेवा सुबिधा दिने उनले बताए ।

    फर्वानिय एरियामा बस्ने नेपालीहरुको लागि पायक पर्ने ठाउँमा रहेको म:म हाउस अन्य ठाउँबाट आउनलाई पनि यातायातको राम्रो सुबिधा रहेको उनले बताए ।

    योसँगै उनीहरुले अन्य ब्यवसाय पनि सञ्चालन गरिरहेका छन् भने धेरै नेपाली कामदारलाई प्रत्यक्ष रोजगारी समेत दिएका छन् । पछिल्लो समयमा रोजगारको लागि कुवेत पुगेर व्यापार व्यावसाय गर्ने नेपाली युवाहरुको सङ्ख्या बढ्दो छ । कुवेतमा विभिन्न पेशा गरि करिव ७० हजारको हाराहारीमा नेपालीहरु कार्यरत रहेको पाइन्छ ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ