• News Portal

    • आज :

    ताजा शिर्षकहरु

    चर्चित शिर्षकहरु

    Highlights राजनीति

    ‘ओलीले प्रचण्ड र मलाइ जेल हाल्ने तयारी गर्दैछन’

    643
    SHARES

    काठमाडौँ । नेकपा (दाहाल-नेपाल) समूहका अध्यक्ष माधवकुमार नेपालले प्रधानमन्त्री केपी शर्मा ओली प्रतिशोध साँध्ने योजनाका साथ अघि बढेको आरोप लगाएका छन् ।

    दरबारमार्गस्थित एक होटलमा बुधबार बिहान केही सम्पादकहरूसँग भएको छलफलमा अध्यक्ष नेपालले ओलीले आफूसहित प्रचण्डलाई जेल हाल्ने योजनाकासाथ अघि बढेको बताए ।

    प्रचण्डलाई माओवादीका पूर्वलडाकूका नामको रकम र नेपाललाई ललिता निवास जग्गा प्रकरणमा अख्तियार दुरूपयोग अनुसन्धान आयोगमार्फत भ्रष्टाचारको मुद्दा अघि बढ्न सक्ने चर्चा भइरहँदा नेपालले आफूहरू दुबै जनालाई जेल हाल्ने प्रपञ्च भएको बताएका हुन् ।

    बालुवाटारको ललिता निवास सरकारी जग्गा व्यक्तिका नाममा लिएको प्रकरणमा अख्तियार दुरुपयोग अनुसन्धान आयोगले १७५ जनाविरुद्ध विशेष अदालतमा मुद्दा दायर गरिसकेको छ। तर, यो प्रकरण नेपाल प्रधानमन्त्री हुँदा नै अघि बढ्दा पनि उनीविरूद्ध भने मुद्दा लागेको थिएन ।

    पूर्वलडाकूका नाममा भएको भनिएको घोटलाको विषय अख्तियारले उठाउन खोज्दा तत्कालीन प्रमुख आयुक्त लोकमानसिंह कार्की नै पदच्यूच भएका थिए । त्यसयता यो विषय पनि अख्तियारले छानविन अघि बढाएको छैन ।

    अन्तरक्रियाको अधिकांश समय ओलीको आलोचना गरेका नेपालले भने, ‘मलाई कलेजमा पढ्ने ठेट्नो केटो भनेपछि कति पोल्यो तर मैले जवाफ दिएको छैन। तर, त्यसको जवाफ दिदै गर्दा प्रहार भएजस्तो देखियो। सिस्टमको स्थापना गरेर सबैतिर लागू हुन आवश्यक रहेको छ। पार्टी विधि र पद्धतिमा चलाउने पर्छ।’

    ओली गुटगत मानसिकताबाट ग्रसित भएको उनले आरोप पनि लगाए । ओली थुक, वीर्य, खकार र डीएनए टेष्ट गरेर गुट बनाउन लिप्त हुने नेता भएको नेपालको आरोप छ ।

    पुस ५ मा प्रतिनिधिसभा विघटन भएपछि नेकपा विभाजित भएको छ । ओली र दाहाल-नेपाल समूह एकअर्काविरूद्ध अहिले शक्ति प्रदर्शनमा उत्रिएका छन् ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ