• News Portal

    • आज :

    ताजा शिर्षकहरु

    चर्चित शिर्षकहरु

    रोचक-विचित्र

    बेहुला प्रेमिका लिएर भागेपछि बेहुलीले जन्ती आएका अर्कैसँग गरिन् बिहे

    2.1K
    SHARES

    एजेन्सी । बिहे चलिरहेका बेला बेहुलाले आफ्नी प्रेमिका लिएर मण्डपबाटै भागेपछि बिहे गर्न लागेकी बेहुलीले जन्तीमध्येबाट एक युवक रोजेर उनीसँग त्यही मण्डपमा बिहे गरेकी छिन् । भारतको कर्नाटक राज्यको चि’कमंगलुरु जिल्लामा यस्तो रो’चक घटना भएको हो ।

    जब बेहुलाले हुनेवाली पत्नीलाई मण्डपमा छो’डेर प्रेमिकासँग भागे, त्यसपछि बेहुलीले पनि निर्णय लिन ढिलो गरिनन् । उनले तत्कालै बिहेमा जन्ती आएका एक युवकसँग बिहे गरिन् । बैंगलुरु मि’ररको रिपोर्टअनुसार नवीन र अशोक नाम गरेका दुई दाजुभाइको एकै पटक बिहे हुन लागेको थियो ।

    अशोकको त बिहे भयो तर नवीन भने बिहे बीचमै छाडेर प्रेमिकासँग भागे, नवीनले बिहेको सबै रिती रिवाजमा भाग लिए तर जब सात वचनको बेला भयो त्यसपछि नवीनले जीवनसाथी नै बदलिदिए ।

    खासमा बिहेको दिन नै नवीनकी प्रेमिकाले नबिनले यदि सिन्धुसँग बिहे गरे भने विवाह समारोहमा आएर विष पिउने र सबै विवाह कार्यक्रम भताभुंग पारिदिने धम्की दिएकी थिइन् । यही डरका कारण नवीन बिहे बीचमै छाडेर भागेका थिए । नवीन भागेपछि बिबाह कार्यक्रम त्यतिकै नरोकिएर फिल्मी शैलीमा गाडी बढ्यो।

    सिन्धुले पनि तत्कालै बिहेमा आएका पाहुनाहरुमध्येबाट आफूलाई सुहाउँदो वर खोज्न थालिन् । अन्ततः सिन्धुले चन्द्रप्पा नामका युवकलाई आफ्नो जीवनसाथी रोजिन् । चन्द्रप्पा बिहेमा जन्ती आएका थिए र पूरै घटनाको प्रत्यक्षदर्शी थिए । चन्द्रप्पा बीएमटिसीमा बस कण्डक्टर छन् । दुवै परिवारको सहमतिपछि सिन्धु र चन्द्रप्पाको पूरै रितीरिवाजका साथ बिहे भएको हो ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया